Dövlət Komitəsinin sədri ABŞ-ın Etnik Anlaşma Fondunun prezidenti və təsisçisi Mark Şnayer ilə görüşüb

Xəbərlər / 04.02.2021 / 16:26

Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı fevralın 4-də ölkəmizdə səfərdə olan ABŞ-ın Etnik Anlaşma Fondunun prezidenti və təsisçisi Mark Şnayer ilə görüşüb.

Qonaqları salamlayan Dövlət Komitəsinin sədri bildirib ki, bu gün dinlər və sivilizasiyalararası dialoqun baş tutması üçün əsas şərtə çevrilən və mütərəqqi dünya tərəfindən başlıca demokratik dəyərlərdən biri kimi təbliğ olunan tolerantlıq və multikulturalizm Azərbaycan xalqının əsrlər boyu formalaşan və çoxları üçün örnək olan xarakterik xüsusiyyətidir. Bu dəyərlərin, eləcə də Azərbaycan ilə bağlı həqiqətlərin dünyaya çatdırılmasında yəhudi icmalarının özünəməxsus yeri olduğunu qeyd edən Komitə sədri vurğulayıb ki, Azərbaycanın ərazi bütövlüyünü bərpa etmək uğrunda Müzəffər Ali Baş Komandan İlham Əliyevin rəhbərliyi ilə aparılan 44 günlük Vətən müharibəsində yəhudi vətəndaşlarımız da iştirak edərək digər dinlərin nümayəndələri ilə birgə həmrəylik göstəriblər.

Öz növbəsində ölkə rəhbərliyi tərəfindən milli və etnik icmalara, o cümlədən Azərbaycanda əsrlərlə yaşamış yəhudi icmalarına xüsusi diqqət və qayğının olduğunu söyləyən M.Şnayer etnik müxtəliflik, multikultural mühitə görə Azərbaycanın onlar üçün nümunə olduğunu deyib. Qeyd edilib ki, Azərbaycan təkcə müsəlman aləmində deyil, həmçinin dünya miqyasında yüz illər ərzində tolerantlıq və dözümlülüyün hökm sürdüyü nümunəvi ölkədir. Qonaq vurğulayıb ki, Azərbaycan dövlətinin yürütdüyü siyasətin nəticəsidir ki, burada yaşayan yəhudi və digər icmalar Azərbaycan xalqının tam və bərabərhüquqlu üzvü olmaqla yanaşı, bugün də güclü və inkişaf etmiş Azərbaycanın qurulmasında iştirak edirlər.

ABŞ-ın NBC kanalında hər həftə ravvin kimi çıxışlar etdiyini deyən Mark Şnayer bu gün edəcəyi çıxışında Azərbaycana etdiyi səfərdən, görüşlərdən və buradakı tolerantlıq, birgəyaşayış mühitindən bəhs edəcəyini  də diqqətə çatdırıb.

Görüşün sonunda qonağa DQİDK-nın nəşr etdirdiyi, Azərbaycanda mövcud olan multikulturalizm və tolerantlıq ənənələrindən bəhs edən kitablar təqdim edilib.


Son baxılan xəbərlər

"Kənar qüvvələrin dindən sui-istifadəsinə yol verməməliyik"

Açıqlama
02.10.2014 / 09:00
Ətraflı oxu

Zaqatalada “Sülh aylığı” çərçivəsində onlayn seminar keçirilib

Press-relizlər
24.08.2021 / 15:49
Ətraflı oxu

Azərbaycanlıların Soyqırımı Günü: 103 il əvvəl xüsusi qəddarlıqla törədilmiş kütləvi qırğın

Xəbərlər
31.03.2021 / 10:11
Ətraflı oxu

Qazaxda vətənpərvərlik mövzusunda tədbir keçirilib

Press-relizlər
04.05.2018 / 09:54
Ətraflı oxu

Qubada şəhid ailələri və qazilərin iştirakı ilə onlayn tədbir keçirilib

Press-relizlər
16.04.2021 / 11:58
Ətraflı oxu

Miad Hater: Prezident İlham Əliyevin islam həmrəyliyi barədə ideyası uğur qazanmağın və sabitliyin real ...

İSLAM HƏMRƏYLİYİ İLİ
20.01.2017 / 13:56
Ətraflı oxu