Dövlət Komitəsinin sədri Özbəkistan səfiri ilə görüşüb

Xəbərlər / 30.09.2020 / 13:39

Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı sentyabrın 30-da Özbəkistan Respublikasının ölkəmizdə yeni təyin olunmuş fövqəladə və səlahiyyətli səfiri Baxrom Aşrafxanovla görüşüb.

Dövlət Komitəsinin sədri Azərbaycan və Özbəkistan arasında tarixi kökləri olan dostluq münasibətlərindən bəhs edib, ikitərəfli və beynəlxalq təşkilatlar çərçivəsində əlaqələrin əhəmiyyətini vurğulayıb. Mübariz Qurbanlı bu münasibətlərin inkişafında Ümummilli Lider Heydər Əliyev və Prezident İlham Əliyevin müstəsna rolu olduğunu qeyd edərək ölkələr arasında bütün sahələrdə olduğu kimi dini sahədə də münasibətlərin uğurla davam etdiyini diqqətə çatdırıb.

 “İslam Həmrəyliyi İli”ndə Azərbaycan nümayəndə heyətinin Özbəkistana səfəri çərçivəsində həyata keçirilən tədbirlərin əhəmiyyətinə toxunan Komitə sədri eyni zamanda, Dini Qurumlarla İş üzrə Dövlət Komitəsi ilə Özbəkistan Nazirlər Kabineti yanında Dini İşlər Komitəsi, həmçinin Azərbaycan İlahiyyat İnstitutu və Özbəkistan Beynəlxalq İslam Akademiyası arasında imzalanan əməkdaşlıq memorandumları barədə danışıb. Hər iki ölkənin elmi və dini ictimaiyyəti üçün mühüm əhəmiyyət kəsb edən birgə memorandumun mənəvi-maarifçilik sahəsində əməkdaşlığın gücləndirilməsi istiqamətində növbəti vacib addım olduğunu qeyd edib.

Komitə sədri görüş zamanı 27 sentyabrdan etibarən  Ermənistan silahlı qüvvələrinin beynəlxalq hüquq normalarını yenidən kobud surətdə pozaraq cəbhə xəttinin bir sıra istiqamətlərindən Azərbaycanın mövqeyinə hücum etməsi və Azərbaycan Silahlı Qüvvələrinin əks həmlə əməliyyatı ilə cavab verməsi haqqında danışıb.  DQİDK sədri Azərbaycanın yaşayış məntəqələrinin məqsədyönlü şəkildə atəşə tutulması nəticəsində həlak olan mülki şəxslərin sayının 12 nəfər olduğunu, 42 nəfərin isə yaralandığını bildirib. Azərbaycanın haqlı olaraq öz ərazi  bütövlüyünü bərpa etmək istəyini vurğulayan  Mübariz Qurbanlı ölkəmizin bu ədalətli mövqeyinin  beynəlxalq birlik tərəfindən müdafiə olunduğunu qeyd edib.

Səmimi qəbula görə təşəkkürünü bildirən səfir Baxrom Aşrafxanov ölkəmizdə dinlərarası münasibətlərin yüksək səviyyədə olmasından, eləcə də dindən istifadə edən radikal qruplara qarşı münbarizədə Azərbaycan və Özbəkistanın müvafiq qurumlarının uğurlu əməkdaşlığından məmnunluğunu ifadə edib. Ölkələrimiz arasında diplomatik münasibətlərin yaranmasının 25 ilinin tamam olduğunu vurğulayan səfir iki dövlətin dostluq və tərəfdaşlıq əlaqələrinin daha da inkişafı üçün əlindən gələni əsirgəməyəcəyini qeyd edib. Səfir Baxrom Aşrafxanov Ermənistan-Azərbaycan Dağlıq Qarabağ münaqişəsinin həllində Özbəkistanın birmənalı olaraq hər zaman Azərbaycanın ərazi bütövlüyü və suverenliyini müdafiə etdiyini xüsusi vurğulayıb.


Son baxılan xəbərlər

Lənkəranda maarifləndirmə tədbiri keçirilib

Press-relizlər
29.08.2019 / 09:46
Ətraflı oxu

Mübariz Qurbanlı: “İslam dini və onun ali dəyərlərindən siyasi məqsədlərlə istifadə edilməsi qəbuledilməzdir”

Xəbərlər
11.09.2020 / 10:44
Ətraflı oxu

“Heydər Əliyev və milli-mənəvi dəyərlərimiz” mövzusunda tədbir keçirilib

Press-relizlər
05.09.2019 / 16:44
Ətraflı oxu

Milli Qurtuluşdan başlayan böyük yol

Press-relizlər
13.06.2020 / 10:04
Ətraflı oxu

Avropa Şurasının mübadilə görüşündə Azərbaycan multikulturalizminin nailiyyətlərindən danışılıb

Multikulturalizm
14.11.2016 / 15:22
Ətraflı oxu

Müdafiə Nazirliyi ilə Dini Qurumlarla İş üzrə Dövlət Komitəsi arasında illik fəaliyyət planı imzalanıb

Press-relizlər
08.01.2020 / 09:21
Ətraflı oxu