“Azərbaycanın dövlət-din modeli: dünyəvilik” mövzusunda regional konfrans keçirilib

Press-relizlər / 25.02.2020 / 14:58

24-25 fevral tarixlərində Dini Qurumlarla İş üzrə Dövlət Komitəsi (DQİDK) və Yevlax Şəhər İcra Hakimiyyətinin birgə təşkilatçılığı ilə Yevlax Gənclər Evində “Azərbaycanın dövlət-din modeli: dünyəvilik” mövzusunda regional konfrans keçirilib. Tədbirdə DQİDK-nın Dini qurumlarla iş üzrə şöbəsinin müdiri Cahandar Əlifzadə, Dövlət Komitəsinin Yevlax bölgəsi üzrə şöbəsinin müdiri Natiq Əfəndiyev, Yevlax Şəhər İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Hümbət Əhmədov, "Həyat bilgisi" fənnini tədris edən müəllimlər, məktəb psixoloqları və rayonun aktiv gəncləri iştirak ediblər.

Tədbiri giriş sözü ilə açan Yevlax Şəhər İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Hümbət Əhmədov bu kimi marifləndirici seminarların təşkilinin əhəmiyyətini diqqətə çatdırıb. O bildirib ki, maarifləndirmə tədbirlərinin keçirilməsi milli-mənəvi dəyərlərin təbliği və təşviqində müstəsna rola malikdir. 

DQİDK-nın Dini qurumlarla iş üzrə şöbəsinin müdiri Cahandar Əlifzadə "Həyat bilgisi" fənninin tərkibində dini biliklərin verilməsi, şagirdlərin bu mövzu ilə bağlı məlumatlandırılmasının  önəminə toxunub.  Milli-mənəvi, həmçinin dini dəyərlərin əsas məqsədinin cəmiyyət, dövlət və ailə üçün faydalı olan, nümunəvi vətəndaş formalaşdırmaq olduğunu deyən şöbə müdiri dini radikallığın zəiflədilməsi və cəmiyyətimizdə tolerantlığın artırılması üçün dini maarifləndirmə işinin aparılmasının vacibliyini vurğulayıb. O, həmçinin qeyd edib ki, dini dözümlülük ənənələrinin və dini rəngarəngliyin əsaslarının qorunub saxlanılması Azərbaycanın dövlət siyasətinin mühüm istiqamətlərindən birini təşkil edir. Ölkəmizin sahib olduğu multikultural dəyərlərin beynəlxalq ictimaiyyətə çatdırılması, eyni zamanda tarix, mədəniyyət və dini abidələrin qorunub saxlanılmasına dəstəyin göstərilməsi də bu sahədəki siyasətin prioritet istiqamətlərindəndir.

Tədbirdə çıxış edən DQİDK-nın Yevlax bölgəsi üzrə şöbəsinin müdiri Natiq Əfəndiyev dövlət-din münasibətlərinin tarixi köklərə söykəndiyini bildirərək bu gün Azərbaycanın regionda tolerantlıq nümunəsi olduğunu qeyd edib. Natiq Əfəndiyev DQİDK tərəfindən aparılan maarifləndirici tədbirlərin mahiyyətindən danışaraq bu kimi tədbirlərin gənclərin radikal təsirlərdən qorunmasındakı əhəmiyyətini vurğulayıb.

Regional konfrans işini müzakirələrlə davam etdirib.


Son baxılan xəbərlər

Tovuzda narkomaniya əleyhinə maarifləndirmə tədbiri keçirilib

Press-relizlər
08.08.2019 / 12:30
Ətraflı oxu

Mübariz Qurbanlı: “Prezident həm mətbuata, həm də ictimaiyyətə mesajlar verdi”

Açıqlama
14.07.2015 / 18:21
Ətraflı oxu

Masallı rayonunda tədbir keçirilib

Press-relizlər
20.05.2019 / 15:31
Ətraflı oxu

Dövlət Komitəsinin sədri “Həyat sözü” beynəlxalq kilsəsinin nümayəndələri ilə görüşüb

Press-relizlər
20.09.2019 / 14:55
Ətraflı oxu

Masallıda "Dini radikalizm və narkomaniya ilə mübarizədə maarifləndirmə işinin əhəmiyyəti" mövzusunda ...

Press-relizlər
16.01.2020 / 15:14
Ətraflı oxu

Beynəlxalq Tolerantlıq Günü Nardaran Bilik Evində də qeyd edilib

Multikulturalizm
11.11.2016 / 15:17
Ətraflı oxu