“Milli-mənəvi dəyərlərimiz tarixdən gələn and yerimizdir” mövzusunda tədbir keçirilib

Xəbərlər / 13.02.2020 / 16:24

Fevralın 13-də Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsinin, Balakən Rayon İcra Hakimiyyətinin (RİH) və Balakən rayon Təhsil şöbəsinin birgə təşkilatçılığı ilə Balakən rayonu Mahamalar kənd tam orta məktəbində “Milli-mənəvi dəyərlərimiz tarixdən gələn and yerimizdir” mövzusunda tədbir keçirilib. Tədbirdə DQİDK-nın Zaqatala bölgəsi üzrə şöbəsinin əməkdaşları Elməddin Atakişiyev və Ruslan Əfəndiyev, məktəbin direktoru Kəmalə Məmmədova, müəllimlər və yuxarı sinif şagirdləri iştirak ediblər.           

Çıxışlar zamanı ölkəmizdə mövcud olan nümunəvi dövlət-din münasibətlərindən geniş şəkildə bəhs olunub. Bu günün şagirdlərinin gələcək nəslin davamçıları olaraq dini radikalizm və dini ekstremizm barəsində məlumatlı olmalarının vacibliyi vurğulanıb. Dövlətimizin dinə olan qayğısı ölkə Prezidenti cənab İlham Əliyevin daim diqqət mərkəzində olub. Əsası Ulu Öndər Heydər Əliyev tərəfindən qoyulan bu məqsədyönlü siyasətin bu gün də uğurla davam etdirildiyi tədbir iştirakçılarının diqqətinə çatdırılıb. Ölkəmizdə yaradılan tolerant mühitin dünya dövlətləri üçün bir nümunə olduğu və bu uğurun davamlı olması üçün cəmiyyətin hər bir üzvünün üzərinə böyük bir məsuliyyətin düşdüyü qeyd olunub.

Çıxışlardan sonra DQİDK-nin sifarişi ilə çəkilmiş “Şəhadət” sənədli filmi nümayiş edilib.      

Sonda tədbir iştirakçılarını maraqlandıran suallar cavablandırılıb, Dini Qurumlarla İş üzrə Dövlət Komitəsi tərəfindən nəşr edilmiş 20 nüsxə maarifləndirici ədəbiyyat paylanıb.

 


Son baxılan xəbərlər

Sumqayıtda “İslamda valideyn-övlad münasibətləri” layihəsi çərçivəsində növbəti tədbir keçirilib

Press-relizlər
25.05.2016 / 15:10
Ətraflı oxu

Lənkəranda “Beynəlxalq Tolerantlıq Günü”nə həsr olunmuş tədbir baş tutub

Press-relizlər
10.11.2016 / 08:43
Ətraflı oxu

“Dövlət-din münasibətləri: tarix və müasirlik” mövzusunda müzakirələr aparılıb

Xəbərlər
13.10.2018 / 10:17
Ətraflı oxu

İmişlidə “Azərbaycanın dövlət-din modeli: əsas istiqamətlər” mövzusunda regional konfrans işə başlayıb

Press-relizlər
27.11.2018 / 16:20
Ətraflı oxu

2015-ci il üçün Ramazan ayının təqvimi

Xəbərlər
11.06.2015 / 16:37
Ətraflı oxu

Qaxda “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda ikigünlük ...

Press-relizlər
23.07.2018 / 17:30
Ətraflı oxu