Maştağada “Dövlət-din münasibətləri: tarix, hüquq və ənənə” mövzusu müzakirə edilib

Xəbərlər / 12.02.2020 / 17:55

Fevral ayının 12-də Dini Qurumlarla İş üzrə Dövlət Komitəsinin (DQİDK) təşkilatçlığı ilə Sabunçu rayonu Maştağa qəsəbəsində “Dövlət-din münasibətləri: tarix, hüquq və ənənə” mövzusunda tədbir keçirilib. Tədbirdə DQİDK-nın Bakı şəhəri üzrə şöbəsi,  Sabunçu Rayon İcra Hakimiyyəti, Sabunçu Rayon Dövlət Təhlükəsizliyi Xidmətinin əməkdaşları, QMİ-nin nümayəndələri, din xadimləri və qəsəbə sakinləri iştirak ediblər.  

Tədbiri giriş sözü ilə açan Sabunçu Rayon İcra Hakimiyyəti başçısı Aparatının İctimai siyasi və humanitar məsələlər şöbəsinin müdiri Ədalət Teymurov dövlətin dinə münasibəti, din sahəsində dövlət siyasətinin həyata keçirilməsi, dini etiqad azadlığı prinsiplərinin qorunması, dövlət-din münasibətlərinin qanunvericilik əsasında tənzimlənməsi istiqamətində aparılan işlərə xüsusi diqqət çəkib.

DQİDK-nın Bakı şəhəri üzrə şöbəsinin müdiri vəzifəsini icra edən Anar Kazımov öz çıxışında müxtəlif dinlərin məbədlərinə göstərilən diqqət və qayğıdan, Azərbaycanda dövlət-din münasibətlərinin və vətəndaş həmrəyliyinin yüksək səviyyədə inkişaf etməsindən danışıb.

DQİDK-nın Bakı şəhəri üzrə şöbəsinin əməkdaşı Aslan Sultanov respublikamızda həyata keçirilən din siyasətinin demokratik dövlət quruculuğu kursuna, eləcə də, dövlət-din münasibətlərinin mənəvi və hüquqi müstəvidə tənzimlənməsi prinsipinə əsaslandığını vurğulayıb. O, öz çıxışında bildirib ki, Azərbaycan istər ölkə səviyyəsində, istərsə də beynəlxalq miqyasda dinlərarası və çoxmədəniyyətli harmoniyanın inkişafına təkan verir və bu nailiyyətin davamlı olması üçün tədbirlər həyata keçirir.

Sonda tədbir iştirakçılarının sualları cavablandırılıb.


Son baxılan xəbərlər

Avropa Şurasının mübadilə görüşündə Azərbaycan multikulturalizminin nailiyyətlərindən danışılıb

Multikulturalizm
14.11.2016 / 15:22
Ətraflı oxu

DQİDK sədri Mübariz Qurbanlı: "Dövlət Komitəsi Qafqaz Müsəlmanları İdarəsi ilə birgə beynəlxalq tədbirlər keçirəcək"

Press-relizlər
15.01.2020 / 12:05
Ətraflı oxu

Dövlət Komitəsinin rəhbərliyi vətəndaşları qəbul edəcək

Press-relizlər
12.02.2020 / 10:44
Ətraflı oxu

Prezidentin Sərəncamı uğurla icra olunur

Press-relizlər
21.02.2018 / 18:00
Ətraflı oxu

Prezident İlham Əliyev: “Ermənilər məscidlərimizi, məzarlarımızı dağıdıblar”

Xəbərlər
17.02.2020 / 09:51
Ətraflı oxu

Azərbaycanda dövlət-din münasibətləri zəngin milli-tarixi ənənəyə əsaslanır

Press-relizlər
31.05.2018 / 18:00
Ətraflı oxu