Hərbi hissədə maarifləndirmə tədbiri baş tutub

Press-relizlər / 10.10.2019 / 15:02

Oktyabrın 10-da Azərbaycan Respublikasının Müdafiə Nazirliyi və Dini Qurumlarla İş üzrə Dövlət Komitəsi (DQİDK) tərəfindən birgə imzalanan "Tədbirlər Planına" əsasən DQİDK-nın  İmişli bölgəsi üzrə şöbəsinin  və Beyləqan rayon “N” saylı hərbi  hissənin birgə təşkilatçlığı ilə “Müstəqilliyimiz və milli mənəvi dəyərlərimiz”” mövzusunda  tədbir  keçirilib.

Tədbirdə Dövlət Komitəsinin İmişli bölgəsi üzrə şöbəsinin əməkdaşı Bəhrəm Ədalət oğlu, hərbi hissə komandirinin şəxsi heyətlə ideoloji iş və psixoloji təlimlər üzrə müavini Valeh Mustafayev,  Beyləqan rayonu Qarallar kənd dini icmasının sədri Səbuhi İbadov, hərbi qulluqçular və şəxsi heyət iştirak ediblər.

Tədbiri giriş sözü ilə açan hərbi hissənin nümayəndəsi Valeh Mustafayev bildirib  ki, Müdafiə Nazirliyinin rəhbərliyi Silahlı Qüvvələrin şəxsi heyətinin milli-mənəvi dəyərlər əsasında tərbiyəsinə xüsusi önəm verir və bu istiqamətdə məqsədyönlü iş aparılır. Bu cür maarifləndirmə tədbirlərinin keçirilməsinin milli-mənəvi dəyərlərimizin təbliği, tolerant və multikultural ənənələrimizin təşviqi, vətəndaşlarımızın, xüsusilə gənclərin zərərli dini cərəyanların təsiri altına düşməsinin, o cümlədən din adı altında milli və dövlət maraqlarımıza zidd ideoloji təlimlərin yayılmasının qarşısının alınması baxımından böyük əhəmiyyətə malik olduğunu bildirib.

Daha sonra  DQİDK-nın İmişli bölgəsi üzrə şöbəsinin əməkdaşı Bəhrəm Ədalətoğlu milli-mənəvi dəyərlərimizin qorunmasının və gələcək nəsillərə çatdırılmasının vacibliyini vurğulayıb, dini maarifləndirmə sahəsində  həyata keçirilən bu cür tədbirlərin  müsbət nəticələrini qeyd edib.

Beyləqan rayonu Qarallar kənd məscidi dini icmasının sədri  Səbuhi  İbadov gənclər arasında maarifləndirmə işinin aparılmasının vacibliyi, mənəvi dəyərlərimizin təbliği fonunda dini maarifləndirmənin ən effektiv vasitə olması barədə danışıb.

Sonda  tədbir iştirakçılarını maraqlandıran suallar cavablandırılıb.

 


Son baxılan xəbərlər

Azərbaycanın din xadimləri Xocalı soyqırımı ilə bağlı beynəlxalq təşkilatlara müraciət ediblər

Xəbərlər
24.02.2016 / 13:46
Ətraflı oxu

Dini Qurumlarla İş üzrə Dövlət Komitəsinin sədri Gədəbəydə vətəndaşları qəbul edib

Arxiv
21.06.2018 / 16:53
Ətraflı oxu

Bakıda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
14.09.2018 / 11:43
Ətraflı oxu

Cəlilabadda “Dini radikalizmlə mübarizə və maarifləndirmə” mövzusunda tədbir keçirilib

Xəbərlər
30.10.2019 / 15:23
Ətraflı oxu

Ağcabədidə zərərli və radikal dini təriqətlərə qarşı mübarizəyə həsr olunmuş tədbir keçirilib

Press-relizlər
31.03.2017 / 12:13
Ətraflı oxu

Prezident İlham Əliyevin sədrliyi ilə Nazirlər Kabinetinin iclası keçirilib

Xəbərlər
11.01.2016 / 09:08
Ətraflı oxu