İmişlidə maarifləndirmə tədbiri baş tutub

Press-relizlər / 03.10.2019 / 17:44

Oktyabrın 3-də İmişli Rayon İcra Hakimiyyəti (RİH) və Dini Qurumlarla İş üzrə Dövlət Komitəsinin (DQİDK) İmişli bölgəsi üzrə şöbəsinin birgə təşkilatçılığı ehsan süfrələrinin sadələşdirilməsi ilə bağlı maarifləndici tədbir keçirilib. 

Tədbirdə  İmişli RİH başçısının birinci müavini Səfa Ağayev, DQİDK-nın  İmişli bölgəsi üzrə şöbəsinin müdiri Cavanşir Bəhrəmov, dini icma sədrləri və din xadimləri, eləcə də rayon  ictimaiyyətinin  nümayəndələri  iştirak ediblər.

Tədbiri giriş sözü ilə RİH başçısının birinci müavini Səfa Ağayev açaraq bu gün ölkəmizdə dövlət-din münasibətlərinin mövcud səviyyəsinin ən yaxşı model kimi qiymətləndirildiyini diqqətə çatdırıb. Bildirib ki, Prezident İlham Əliyevin bu sahəyə xüsusi diqqət və qayğısı nəticəsində ölkəmizdə dövlət-din münasibətləri özünün ən yüksək səviyyəsindədir. Dövlət dini qurumlar və dini icmalar arasında münasibətlərin sağlam əməkdaşlıq və tolerantlıq əsasında qurulması işinə dəstək verir.

DQİDK-nın  İmişli bölgəsi üzrə şöbəsinin müdiri Cavanşir Bəhrəmov bildirib ki, ölkədə yas mərasimlərinin sadə şəkildə keçirilməsinin təmin edilməsi üçün maarifləndirmə işi aparılır.  Bu məqsədlə tanınmış din xadimlərinin, ictimaiyyət və dövlət nümayəndələrinin  iştirakı ilə keçirilən tədbirlər bu gün də davam etdirilir. 

Qafqaz Müsəlmanları İdarəsinin səlahiyyətli  nümayəndəsi  Adıgözəl Bəşirov qeyd edib ki, yas məclislərinin sadə şəkildə keçirilməsinin vacibliyi, israfçılığa yol verilməməsi mövzusunda cəmiyyətin maariflənməsində din xadimlərinin,  yas məclislərini  aparan rəsmi  imam,  imam müavinləri və dini ayin icraçılarının üzərinə mühüm vəzifələr  düşür. Din xadimləri  məclis və yığıncaqlarda insanlarla daha çox ünsiyyətdə olduğundan cəmiyyətin digər üzvləri ilə müqayisədə onlar daha çox aktivlik nümayiş etdirməlidirlər.

Sonda tədbir iştirakçılarının təklifləri dinlənilib, onları maraqlandıran suallar cavablandırılıb.


Son baxılan xəbərlər

İsmayıllıda dini radikalizmlə bağlı tədbir təşkil olunub

Press-relizlər
21.02.2018 / 16:58
Ətraflı oxu

Hacıqabulda yerləşən "N" saylı hərbi hissədə maarifləndirmə tədbiri keçirilib

Press-relizlər
29.07.2019 / 15:30
Ətraflı oxu

Yardımlıda “Dini maarifləndirmə işinin təşkili: gerçəkliklər və perspektivlər” mövzusunda seminar-treninq keçirilib

Xəbərlər
17.10.2018 / 16:50
Ətraflı oxu

Samux şəhər 1saylı tam orta məktəbdə vətənpərvərlik mövzusuna həsr edilmiş tədbir keçirilib

Press-relizlər
18.05.2018 / 11:47
Ətraflı oxu

Bakıda “Heydər Əliyev irsi və multikultural dəyərlər” mövzusunda konfrans keçirilib

Multikulturalizm
07.05.2016 / 14:34
Ətraflı oxu

Paytaxt məktəblərində maarifləndirmə tədbirləri keçirilib

Press-relizlər
22.05.2019 / 16:43
Ətraflı oxu