Gündüz İsmayılov: "Dini radikalizmlə mübarizənin gücləndirilməsi məqsədilə maarifləndirmə işinin aparılması zəruridir"

Press-relizlər / 28.08.2019 / 15:08

 

Dini Qurumlarla İş üzrə Dövlət Komitəsi (DQİDK) və Daşkəsən Rayon İcra Hakimiyyətinin birgə təşkilatçılığı ilə “Müasir çağırışlar: dini durum və vəzifələr” mövzusunda keçirilən regional konfrans avqustun 28-də “Dini radikalizmlə mübarizə və maarifləndirmə” adlı panel iclasla öz işini davam etdirib.

Daşkəsən rayon Heydər Əliyev Mərkəzində keçirilən tədbiri giriş sözü ilə açan Rayon İcra Hakimiyyətinin məsul əməkdaşı Elmar Əliyev Prezident cənab İlham Əliyevin dinə və dindarlara diqqət və qayğısından bəhs edib, rayondakı dini durum barədə ətraflı məlumat verib.

Təqdimatla çıxış edən DQİDK sədrinin müavini Gündüz İsmayılov Azərbaycanın dünyaya zəngin multikulturalizm modelini təqdim etdiyini bildirib. Sədr müavininin sözlərinə görə, tarixən müxtəlif etno-mədəni qrupların və dini konfessiyaların birgə yaşadığı ölkəmizdə multikulturalizm siyasətinin banisi Ulu Öndər Heydər Əliyevdir. Ümummilli Liderin bu siyasəti dövlət başçımız tərəfindən uğurla davam etdirilir.

Dini radikalizmin mahiyyəti və onunla mübarizə yolları barədə də məlumat verən sədr müavini vurğulayıb ki, bu kimi tədbirlərin keçirilməsində əsas məqsəd dini radikalizmlə mübarizə sahəsində maarifləndirmə işinin aparılmasından ibarətdir. Natiq ölkəmizdəki dini durum, dini icmaların fəaliyyəti, dövlətin dinə qayğısı və tolerantlıq siyasəti barədə danışaraq qeyd edib ki, dövlət-din münasibətləri qanunvericiliklə tənzimlənir.

O, radikal dini qrupların və qeyri-ənənəvi təriqətlərin zərərli təbliğatının qarşısının alınması, onlara qarşı effektiv mübarizə aparılması, dini maarifçilik işinin düzgün metodlarla təşkili məsələlərinə də toxunub. G.İsmayılov deyib ki, dini radikalizmlə mübarizənin gücləndirilməsi və milli-mənəvi dəyərlərin qorunub saxlanılması məqsədilə dini maarifləndirmə işinin aparılması zəruridir“.

Hansısa cəmiyyətdə təhsil və dini biliklər paralel şəkildə insanlara çatdırılmırsa, xurafatın yayılması qaçılmazdır. Yad dini ideologiyaların təsiri altına düşənlərin dini bilgilərinin zəif olması ehtimalı böyükdür”,-deyə Dövlət Komitəsinin sədr müavini əlavə edib. Bildirib ki, bu baxımdan, gənclərə dinlər haqqında ümumi məlumatların verilməsi, müqəddəs kitabların mahiyyətinin izah edilməsi olduqca vacibdir.

Rayon Təhsil Şöbəsinin müdiri Zaur Məmmədov və Rayon Gənclər və İdman İdarəsinin rəisi Samir Həsənov mövzu ilə bağlı fikirlərini bildiriblər, keçirilən tədbirlərin gənclərin dini radikalizmə qarşı maariflənməsində önəminə diqqət çəkiblər.

Sonda tədbir iştirakçılarını maraqlandıran suallar cavablandırılıb və DQİDK tərəfindən nəşr olunan kitablar paylanılıb.

 


Son baxılan xəbərlər

Bakıda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
14.09.2018 / 11:43
Ətraflı oxu

DQİDK-nın şöbə müdiri: İstənilən dini ədəbiyyat Azərbaycana idxal olunarkən DQİDK-dan icazə alınmalıdır

Müsahibələr
03.05.2018 / 10:10
Ətraflı oxu

Xəzər rayonunda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
17.09.2018 / 10:20
Ətraflı oxu

“İslam həmrəyliyi: Azərbaycan örnəyi” mövzusunda konfrans keçirilib

Press-relizlər
13.10.2017 / 15:24
Ətraflı oxu

Özbəkistan Prezidenti: “2017-ci ilin “İslam Həmrəyliyi İli” elan edilməsi təşəbbüsü müsəlman dünyasında dəstəklənir”

İSLAM HƏMRƏYLİYİ İLİ
20.10.2017 / 11:09
Ətraflı oxu

Dövlət Komitəsinin sədri Mübariz Qurbanlı: “Əsas məqsədimiz dini maarifçilik işini yüksək səviyyəyə qaldırmaqdır”

Müsahibələr
21.07.2017 / 11:57
Ətraflı oxu