Sabunçuda maarifləndirmə tədbiri təşkil olunub

Press-relizlər / 07.08.2019 / 15:15

Avqustun 7-də Dini Qurumlarla İş üzrə Dövlət Komitəsi (DQİDK) və Sabunçu Rayon İcra Hakimiyyətinin (RİH) birgə təşkilatçılığı ilə Bakı şəhəri Sabunçu rayonu Maştağa qəsəbəsində “Dini maarifləndirmə: perspektivlər” mövzusunda maarifləndirici tədbir keçirilib.

Tədbirdə Sabunçu RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Ədalət Teymurov, DQİDK-nın Bakı şəhəri üzrə şöbənin müdiri vəzifəsini icra edən Anar Kazımov, şöbənin əməkdaşları Sadiq Qinyazlı, Aslan Sultanov, Dövlət Komitəsinin şöbə müdiri Oqtay Hüseynov, Qafqaz Müsəlmanları İdarəsinin Sabunçu rayonu üzrə bölgə qazısı Musa Qasımov, din xadimləri və qəsəbə dindarları iştirak ediblər.

Tədbiri giriş sözü ilə açan Sabunçu RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Ədalət Teymurov qeyd edib ki, dini radikalizmlə mübarizədə dini maarifləndirmənin düzgün  təşkili müsbət nəticələrin əldə edilməsində mühüm rol oynayır.

Daha sonra çıxış edən DQİDK-nın Bakı şəhəri üzrə şöbəsinin müdiri vəzifəsini icra edən Anar Kazımov öz çıxışında  insanları dini radikal qrupların təsirindən uzaq tutmaq üçün onlara dolğun bilik verməyin, həmçinin İslam dinini düzgün şəkildə, olduğu kimi təbliğ etməyin əhəmiyyətini vurğulayıb, dini radikalizm və ekstremizmə qarşı mübarizə metodu kimi İslam dininin tövsiyələrindən düzgün  istifadə edərək milli-mənəvi dəyərlərimizi uca tutmalı olduğumuzu diqqətə çatdırıb.

DQİDK-nın Bakı şəhəri üzrə şöbəsinin əməkdaşı Aslan Sultanov çıxışında qeyd edib ki, yeniyetmə və gənclərdə sağlam dini düşüncənin formalaşmasında, zərərli vərdişlər və narkomaniyanın fəsadlarının qarşısının alınmasında dini maarifləndirmənin rolu əvəzsizdir.

Sonda tədbir iştirakçılarını maraqlandıran suallar cavablandırılıb.

 


Son baxılan xəbərlər

Prezident İlham Əliyev: “Məscidləri dağıdan Ermənistan müsəlman ölkələri ilə dost ola bilməz”

Xəbərlər
16.10.2019 / 09:30
Ətraflı oxu

Dövlət Komitəsində görüş keçirilib

Press-relizlər
27.09.2018 / 14:43
Ətraflı oxu

Astarada Milli Qurtuluş Gününə həsr olunmuş tədbir olub

Press-relizlər
14.06.2018 / 10:10
Ətraflı oxu

“Tolerantlıq: bildiklərimiz və bilmədiklərimiz” kitabı

Kitablar
16.09.2015 / 13:10
Ətraflı oxu

Azərbaycanda səfərdə olan ABŞ-ın yəhudi və yevangelist xristian icmasının üzvlərindən ibarət nümayəndə heyəti Bakıdakı ...

Press-relizlər
06.03.2019 / 17:51
Ətraflı oxu

Dövlət Komitəsinin sədri Mübariz Qurbanlı Azərbaycan Dövlət Pedaqoji Universitetinin tələbələri ilə görüşüb

Xəbərlər
16.10.2019 / 16:13
Ətraflı oxu