Nizami rayonunda “İnsan Hüquqları Aylığı” çərçivəsində tədbir keçirilib

Press-relizlər / 13.06.2019 / 10:25

İyunun 12-də Dini Qurumlarla İş üzrə Dövlət Komitəsi (DQİDK), Nizami Rayon İcra Hakimiyyəti (RİH) və Nizami Rayon Prokurorluğunun birgə təşkilatçılığı ilə Nizami rayonu Kamil Əyyubov adına 12 saylı tam orta məktəbdə “İnsan Hüquqları Aylığı” çərçivəsində  “Dini radikalizm və ekstremizmə qarşı mübarizə” mövzusunda tədbir keçirilib.

Tədbirdə Nizami RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Bəhman Hüseynov, DQİDK-nın Bakı şəhəri üzrə şöbəsinin əməkdaşları Amal Məlikov və Nuru İmanov, Nizami Rayon Prokurorluğunun əməkdaşı Səadət Rüstəmova, məktəbin direktoru Rahim Novruzov, müəllim və şagirdlər iştirak ediblər.

Tədbiri giriş sözü ilə açan məktəbin direktoru Rahim Novruzov dini radikalizm və ekstremizmlə bağlı orta ümumtəhsil müəssisələrində keçirilən maarifləndirici tədbirlərin zəruriliyini qeyd edib.

Daha sonra çıxış edən Nizami RİH başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Bəhman Hüseynov dini savadsızlıq, cəhalət, xurafat olan yerdə dini radikalizmin yayılmasının qaçınılmaz olduğunu, xurafatın dini radikalizmin özəyini təşkil etdiyini diqqətə çatdırıb.

Nizami Rayon Prokurorluğunun əməkdaşı Səadət Rüstəmova öz çıxışında dini ekstremizm və radikalizmlə hüquqi-inzibati istiqamətdə aparılan mübarizə və həyata keçirilmiş tədbirlər haqqında geniş məlumat verib.

Daha sonra çıxış edən DQİDK-nın Bakı şəhəri üzrə şöbəsinin əməkdaşı Nuru İmanov dini radikalizm və ekstremizmin İslam dininə əks qütbdə dayandığını vurğulamaqla yanaşı, dini radikalizm və ekstremizmə qarşı mübarizədə təhsilin və maarifləndirmənin əvəzsiz rol oynadığını vurğulayıb.

Sonda tədbir iştirakçılarının sualları cavablandırılıb.


Son baxılan xəbərlər

Dövlət Komitəsinin sədri Beynəlxalq Bəhai İcmasının baş katibi ilə görüşüb

Press-relizlər
01.05.2019 / 17:22
Ətraflı oxu

Balakəndə “Aprel döyüşləri-qəhrəmanlıq nümunəsi” adlı tədbir baş tutub

Press-relizlər
24.04.2018 / 17:46
Ətraflı oxu

Dini Qurumlarla İş üzrə Dövlət Komitəsinin nümayəndələri əsgərlərlə görüşüb

Press-relizlər
11.03.2019 / 15:29
Ətraflı oxu

Dövlət Komitəsində “Yehovanın Şahidləri”nin Avropa Assosiasiyasının nümayəndələri ilə görüş keçirilib

Press-relizlər
13.12.2019 / 15:01
Ətraflı oxu

Masallıda “Aprel döyüşləri - böyük zəfərin başlanğıcı” mövzusunda tədbir keçirilib

Press-relizlər
03.04.2019 / 12:16
Ətraflı oxu

Birinci vitse-prezident Mehriban Əliyeva Gəncədə “İmamzadə” dini kompleksini ziyarət edib

Xəbərlər
15.02.2019 / 09:32
Ətraflı oxu