"SOCAR-KBR" MMC-də maarifləndirmə tədbiri keçirilib

Press-relizlər / 16.05.2019 / 16:38

Mayın 16-da Dini Qurumlarla İş üzrə Dövlət Komitəsi və Azərbaycan Respublikası Dövlət Neft Şirkətinin (SOCAR) tərkibindəki "SOCAR-KBR" MMC-nin birgə təşkilatçılığı ilə "Dünyəvi dövlətdə din və ideoloji təhlükəsizlik məsələləri" mövzusunda maarifləndirmə tədbiri keçirilib.

Tədbirdə DQİDK-nın sədr müavini Səyavuş Heydərov, şirkətin Baş menecerinin müavini Nazim Qasımov, eləcə də müəssisənin əməkdaşları iştirak ediblər.

Tədbirin maarifləndirici xarakter daşıdığını bildirən Dövlət Komitəsinin sədr müavini Səyavuş Heydərov bu cür görüşlərin cəmiyyətin bütün təbəqələrini, xüsusilə ali və orta məktəbləri, strateji əhəmiyyət kəsb edən idarə və müəssisələri, hərbi hissələri, cəzaçəkmə müəssisələrini əhatə etdiyini bildirib. Sədr müavini deyib ki, bu tədbirlərin keçirilməsində əsas məqsəd cəmiyyəti, xüsusilə gəncləri dini mühitdəki tendensiyalar, xaricdən yönəlmiş təhdidlər, yad ideologiyaların respublikamıza ixracına cəhdlər barədə məlumatlandırmaq və maarifləndirməkdir. Azərbaycanın uğurlu inkişaf modelini tətbiq edən mütərəqqi yanaşmalara sahib olmaqla yanaşı, tarixinə və dəyərlərinə sadiq olan respublika kimi tanındığını bildirən sədr müavini dövlət tərəfindən dini təhlükəsizlik məsələsinə böyük önəm verildiyini, bu istiqamətdə ciddi addımlar atıldığını bildirib. S.Heydərov ölkəmizin mürəkkəb beynəlxalq vəziyyətə, regionda mövcud olan təhdidlərə, müxtəlif səpkili təzyiqlərə, yad dini ideologiyaların idxal edilməsi cəhdlərinə baxmayaraq, güclü siyasi iradə nümayiş etdirərək dini təhlükəsizliyi təmin etdiyini və bu siyasətin hazırkı dövrdə davam etdirilməsinin son dərəcə vacib olduğunu diqqətə çatdırıb.

Ölkədə dini radikalizm meyillərinin qarşısının alınması istiqamətində həyata keçirilən tədbirlərdən danışan Komitənin sədr müavini radikal dini qrupların və qeyri-ənənəvi təriqətlərin zərərli təbliğatının qarşısının alınması, onlara qarşı effektiv mübarizə aparılması, dini maarifçilik işinin düzgün metodlarla təşkili məsələlərindən də bəhs edib.O, həmçinin xurafatın, dini savadsızlığın yaratdığı və yarada biləcəyi fəsadlardan, eyni zamanda, bunların qarşısının alınması yollarından söz açıb.

Sonda iştirakçıları maraqlandıran suallar cavablandırılıb.

 


Son baxılan xəbərlər

Samuxda “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda seminar-müşavirə ...

Press-relizlər
09.07.2018 / 17:09
Ətraflı oxu

İslam dünyası müasir beynəlxalq münasibətlərdə

Multikulturalizm
14.10.2016 / 09:46
Ətraflı oxu

Qubada “Vətən sevgisi imandandır” mövzusunda tədbir baş tutub

Press-relizlər
28.06.2018 / 17:39
Ətraflı oxu

Saatlı rayonunda maarifləndirmə tədbiri təşkil olunub

Press-relizlər
04.11.2019 / 16:11
Ətraflı oxu

Gədəbəydə “Azərbaycanın dövlət-din modeli: əsas istiqamətlər” mövzusunda keçirilən regional konfrans işini panel formatında ...

Press-relizlər
22.06.2018 / 18:05
Ətraflı oxu

Şamaxıda “Dini radikalizmlə mübarizə: necə və nə etməli?” mövzusunda seminar-treninq keçirilib

Xəbərlər
22.10.2019 / 12:46
Ətraflı oxu