Balakəndə maarifləndirmə tədbiri keçirilib

Press-relizlər / 16.05.2019 / 17:20

Mayın 16-da Balakən Rayon İcra Hakimiyyəti (RİH), Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsi və Balakən Rayon Təhsil Şöbəsinin birgə təşkilatçılığı ilə Balakən rayonu Surağat Qurbanov adına Katex kənd 1 saylı tam orta məktəbində “Dini radikalizm və ekstremizmə qarşı mübarizədə maarifləndirmənin əhəmiyyəti” mövzusunda tədbir keçirilib.

Tədbirdə DQİDK-nın Zaqatala bölgəsi üzrə şöbəsinin baş məsləhətçisi Elməddin Atakişiyev və məsləhətçi vəzifəsini icra edən Ləman Balayeva, Balakən rayonu Surağat Qurbanov adına Katex kənd 1 saylı tam orta məktəbin direktoru Əsəb Manahov, müəllimlər və şagirdlər iştirak ediblər.                                 

Tədbiri giriş sözü ilə açan məktəbin direktoru Əsəb Manahov keçirilən maarifləndirici tədbirin əhəmiyyətindən danışıb.Təhsilin, təlim-tərbiyənin insan şəxsiyyətinin formalaşmasında böyük rolu olduğunu bildirib.

DQİDK-nın Zaqatala bölgəsi üzrə şöbəsinin baş məsləhətçisi Elməddin Atakişiyev öz çıxışında qeyd edib ki, maarifləndirmə düzgün aparıldığı təqdirdə dini təhlükəsizliyə yönələn təhdidlər azalır, ictimai-siyasi sabitlik təmin olunur. Dini radikalizm və ekstremizmin mahiyyəti, yaranma səbəbləri və fəsadları haqqında ətraflı məlumat verən E.Atakişiyev vurğulayıb ki, bu gün Azərbaycanda mövcud olan ictimai sabitlik mühiti Ulu Öndər Heydər Əliyev tərəfindən əsası qoyulmuş və Azərbaycan Prezidenti cənab İlham Əliyev tərəfindən müvəffəqiyyətlə davam etdirilən milli siyasətin nəticəsidir.

Daha sonra çıxış edən Ləman Balayeva bildirib ki, müasir dövrümüzdə dini radikalizm dünya miqyasında narahatçılığa səbəb olan əsas problemlərdən biridir. L.Balayeva gənclərin dini radikal qrupların təsiri altına düşməmələri üçün təhsilin və sağlam həyat keçirməyin önəmini vurğulayıb.

Tədbirdə “Şəhadət” sənədli filmi nümayiş edilib.                                                       

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Göyçayda "Qadın və cəmiyyətimiz" mövzusunda tədbir keçirilib

Press-relizlər
06.03.2019 / 11:57
Ətraflı oxu

Səyavuş Heydərov: “Radikal müxalifət və radikal dindarlar eyni mərkəzdən idarə olunurlar”

Müsahibələr
20.09.2016 / 11:47
Ətraflı oxu

Azərbaycan Respublikası Azərbaycan Xalq Cümhuriyyətinin siyasi və mənəvi varisidir

Press-relizlər
17.09.2018 / 16:33
Ətraflı oxu

Dövlət Komitəsinin sədri Səudiyyə Ərəbistanı Krallığının Azərbaycana yeni təyin olunmuş səfiri ilə görüşüb

Press-relizlər
14.01.2019 / 15:29
Ətraflı oxu

Şirvanda “Azərbaycanın dövlət-din modeli: əsas istiqamətlər” mövzusunda regional konfrans keçirilib

Press-relizlər
30.01.2018 / 17:59
Ətraflı oxu

Masallıda “Zərərli vərdişlərə qarşı mübarizədə din xadimlərinin rolu” müzakirə edilib

Press-relizlər
02.03.2018 / 15:12
Ətraflı oxu