Zərdabda Ramazan ayının başlanması münasibətilə dindarlarla görüş keçirilib

Press-relizlər / 02.05.2019 / 17:15

Mayın 2-də Zərdab Rayon İcra Hakimiyyətində Ramazan ayının başlanması münasibətilə dindarlarla görüş keçirilib. Görüşdə Zərdab Rayon İcra Hakimiyyətinin (RİH) başçısı Lütvəli Babayev, Dini Qurumlarla İş üzrə Dövlət  Komitəsinin (DQİDK) Ucar bölgəsi üzrə şöbəsinin müdiri Əzim Rəfiyev və şöbənin əməkdaşı Sədi Hüseynov, RİH başçısının birinci müavini, dini işlər üzrə komissiyanın sədri Rəhman Feyzullayev, Rayon Polis şöbəsinin rəis müavini Bilal Nuriyev, Dövlət Təhlükəsizliyi Xidmətinin  Ağcabədi regional şöbəsinin əməkdaşı Anar Əliyev, rayonda fəaliyyət göstərən dini icmaların sədrləri, din xadimləri, xidmət təşkilatlarının rəhbərləri, eləcə də ictimaiyyət nümayəndələri iştirak ediblər.

Görüşü giriş sözü ilə açan Zərdab Rayon İcra Hakimiyyətinin başçısı Lütvəli Babayev Ramazan ayının başlanması münasibətilə dindarları təbrik edib. Lütvəli Babayev ölkəmizdə mövcud olan dövlət-din münasibətlərindən, bu istiqamətdə Ümummilli Lider Heydər Əliyevin göstərdiyi müstəsna xidmətlərdən bəhs edib. Vurğulayıb ki, hazırda ölkə Prezidenti cənab İlham Əliyev bu siyasəti uğurla davam etdirir.

DQİDK-nın Ucar bölgəsi üzrə şöbəsinin müdiri Əzim Rəfiyev bir çox müsəlman ölkəsində olduğu kimi, Azərbaycanda da Ramazan ayının xüsusi şəkildə qeyd edildiyini vurğulayaraq DQİDK-nın bu istiqamətdə həyata keçirəcəyi tədbirlərdən danışıb.

Daha sonra çıxış edən din xadimləri Feyzulla Tağıyev və Şahsuvar Əmiraslanov Ramazan ayında Qafqaz Müsəlmanları İdarəsi tərəfindən tövsiyə edilmiş namaz təqvimlərinə riayət edilməsinin, dini ayin və mərasimlərin yalnız məscidlərdə keçirilməsinin vacibliyini diqqətə çatdırıblar.

Sonda iştirakçıların təklifləri dinlənilib, onları maraqlandıran suallar cavablandırılıb. 


Son baxılan xəbərlər

Mübariz Qurbanlı: Hakimiyyətlə xalq birliyinin mövcud olması koronavirusa qarşı mübarizədə böyük əhəmiyyət daşıyır

Müsahibələr
21.04.2020 / 11:34
Ətraflı oxu

Siyəzəndə “Narkomaniya və dini radikalizmə qarşı mübarizədə gənclərin maarifləndirilməsi” mövzusunda tədbir keçirilib

Press-relizlər
24.01.2018 / 17:13
Ətraflı oxu

Lənkərandakı “N” saylı hərbi hissədə “Qeyri-ənənəvi dini cərəyanlar, onların fəaliyyət istiqamətləri və metodları” ...

Press-relizlər
01.03.2018 / 14:55
Ətraflı oxu

Dini Qurumlarla İş üzrə Dövlət Komitəsi ABŞ təşkilatının din azadlığı haqqında illik hesabatına münasibət ...

Açıqlama
08.05.2015 / 18:00
Ətraflı oxu

Gündüz İsmayılov: “Gənclər dini radikalizmin təsirinə düşməmək üçün təhsilə böyük önəm verməlidirlər”

Press-relizlər
17.02.2020 / 14:27
Ətraflı oxu

Dövlət Komitəsinin sədri Amerika Bibliya Cəmiyyətinin nümayəndəsi ilə görüşüb

Press-relizlər
03.10.2018 / 17:06
Ətraflı oxu