“Bahar Enerji Əməliyyat” şirkətinin kollektivi ilə dini radikalizmə qarşı mübarizə istiqamətində maarifləndirici görüş keçirilib

Press-relizlər / 17.04.2019 / 17:08

Aprelin 16-da Dini Qurumlarla İş üzrə Dövlət Komitəsinin (DQİDK) təşkilatçılığı ilə “Bahar Enerji Əməliyyat” şirkətinin kollektivi ilə dini radikalizmə qarşı mübarizə istiqamətində maarifləndirici görüş keçirilib.

Tədbirdə DQİDK-nın sədr müavini Səyavuş Heydərov, “Bahar Enerji Əməliyyat” şirkətinin kommersiya işləri və xarici əlaqələr üzrə vitse prezidenti Rahib Mustafayev, eləcə də müəssisənin əməkdaşları iştirak ediblər.

Şirkətin vitse prezidenti Rahib Mustafayev Dövlət Komitəsinin maarifləndirmə məqsədilə keçirdiyi kompleks tədbirlərin vacibliyindən danışıb, eyni zamanda maarifləndirmə işinin mütəmadi şəkildə həyata keçirilməsinin əhəmiyyətindən bəhs edib.

Daha sonra çıxış edən Dövlət Komitəsi sədrinin müavini Səyavuş Heydərov bildirib ki, son dövrlər dünyada baş verən hadisələr dindən siyasi məqsədlər və qarşıdurma yaratmaq məqsədilə istifadənin bəzi ölkələrdə sabitliyin pozulması ilə nəticələndiyini göstərir. Din pərdəsi adı altında münaqişələr baş vermiş ölkələrdə vəziyyət gərgin və mürəkkəb olaraq qalmaqdadır. Bu ölkələrdə baş verən hadisələr İslamın siyasi proseslərə cəlb olunmasının, dindən qarşıdurma yaratmaq məqsədilə istifadənin hansı fəsadlarla nəticələnəcəyinə açıq nümunədir. S. Heydərov İslamın məqsədli şəkildə terror dini kimi təbliğ edilməsinin Avropada islamofobiya hallarının artması ilə nəticələndiyini diqqətə çatdırıb. Komitə sədrinin müavinin sözlərinə görə, belə bir şəraitdə dinlərarası qarşılıqlı anlaşma, hörmət prinsiplərinin qorunub saxlanılması və qeyd olunan mənfi təzahürlərin qarşısının alınması üçün düzgün dini maarifləndirmənin aparılması xüsusi əhəmiyyət kəsb edir. O  əlavə edib ki, bu gün hər bir vətəndaş yaradılan şərait və imkanlardan istifadə edərək bir-birinə dəstək olmalı, cəmiyyətin, özəlliklə gələcək nəslin düzgün ruhda tərbiyəsinə və maariflənməsinə yardım etməlidir.

Natiq bildirib ki, Dövlət Komitəsinin sifarişi ilə çəkilən  sənədli filmlər də radikalizmə qarşı mübarizədə önəmli rola malikdir. Səyavuş Heydərov DQİDK-nın sifarişi ilə çəkilən "Şəhadət" sənədli filmi haqqında da ətraflı məlumat verib və film nümayiş etdirilib.

 


Son baxılan xəbərlər

“Dini radikalizmlə mübarizədə elmin rolu” mövzusunda tədbir keçirilib

Press-relizlər
19.02.2020 / 17:38
Ətraflı oxu

Balakəndə “Gənclərin dini radikalizm və onun fəsadlarından qorunması” mövzusu müzakirə edilib

Press-relizlər
11.04.2019 / 17:15
Ətraflı oxu

Mübariz Qurbanlı: Azərbaycanda dini etiqad azadlığının təmin olunması din-dövlət-cəmiyyət münasibətlərinin əsasında dayanan mühüm faktordur

Müsahibələr
03.07.2020 / 15:34
Ətraflı oxu

ABŞ-ın yəhudi və yevangelist xristian icmasının üzvləri Quba Soyqırımı Memorial Kompleksini ziyarət ediblər

Xəbərlər
09.03.2019 / 10:28
Ətraflı oxu

Prezident İlham Əliyev İmişlidə “ASAN Həyat” kompleksinin açılışında iştirak edib

Xəbərlər
22.10.2018 / 17:07
Ətraflı oxu

Siyəzən rayonunda radikalizmə qarşı mübarizəyə həsr olunmuş tədbir keçirilib

Press-relizlər
18.04.2018 / 17:27
Ətraflı oxu