Bölgələrdə maarifləndirmə tədbirləri davam etdirilir

Press-relizlər / 17.04.2019 / 17:00

Aprelin 17-də Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi və Astara Rayon Təhsil Şöbəsinin  birgə təşkilatçılığı ilə Z.Bünyadov adına Astara şəhər 2 saylı tam orta məktəbdə “Gənclərin radikal dini təsirlərdən qorunması” mövzusunda tədbir keçirilib.

Tədbirdə DQİDK-nın Lənkəran bölgəsi üzrə şöbəsinin baş məsləhətçisi Turan Həsənzadə, məktəbin direktoru Şahsənəm Hüseynova, müəllimlər və şagirdlər iştirak ediblər.

Tədbiri giriş sözü ilə açan məktəbin direktoru Şahsənəm Hüseynova çıxışında dini radikalizm və ekstremizmə  qarşı mübarizədə gənclərin milli-mənəvi dəyərlər əsasında tərbiyə olunmalarının, elm və təhsilə yiyələnmələrinin əhəmiyyətindən danışıb.

DQİDK-nın Lənkəran bölgəsi üzrə şöbəsinin əməkdaşı Turan Həsənzadə dini radikalizm, ekstremizm və terrorizm məfhumlarının mahiyyətindən bəhs edərək gənclərin radikal dini təsirlərdən qorunmasınının əhəmiyyətini vurğulayıb. T.Həsənzadə dini radikalizmlə mübarizədə və sağlam dini düşüncənin formalaşmasında təhsilin və elmin böyük əhəmiyyət kəsb etdiyini və şagirdlərin cəmiyyətdə bir fərd kimi formalaşmağının əsas yolunun elmdən keçdiyini  qeyd edib.

Daha sonra çıxış edən məktəbin məktəbdənkənar və sinifdənxaric tədbirlər üzrə təşkilatçısı Nuranə Dadaşova şagirdlərin kənar təsirlərə düşməməsi üçün bu cür tədbirlərin əhəmiyyətli olduğunu bildirib.

Sonda şagirdlərin sualları cavablandırılıb.

 


Son baxılan xəbərlər

İlham Əliyevdən “İslam Maarifçiliyinin Azərbaycan modeli”nə dəyərli töhfə

Xəbərlər
15.10.2018 / 10:19
Ətraflı oxu

Mehman İsmayılov: “Mənəvi dəyərlərin qorunması xalqımızın gələcəyi üçün vacibdir"

Müsahibələr
26.01.2018 / 17:41
Ətraflı oxu

Prezident İlham Əliyev: “Azərbaycanın uğurlu inkişaf modelinin əsas qayəsi ondadır ki, ölkəmizdə aparılan siyasət ...

Xəbərlər
30.01.2019 / 11:26
Ətraflı oxu

Milli-mənəvi dəyərlərimizin qorunmasında qadınların rolu

Press-relizlər
24.08.2017 / 17:42
Ətraflı oxu

Prezident İlham Əliyevin və Ermənistanın baş naziri Nikol Paşinyanın Davosda qeyri-rəsmi görüşü olub

Press-relizlər
23.01.2019 / 10:55
Ətraflı oxu

“Sülh aylığı” çərçivəsində növbəti tədbir keçirilib

Press-relizlər
04.09.2018 / 15:09
Ətraflı oxu