Balakəndə “Dini radikalizmə qarşı mübarizə” mövzusunda tədbir keçirilib

Press-relizlər / 28.03.2019 / 15:54

Martın 28-də Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsinin təşkilatçılığı ilə Balakən rayonu Qullar 2 saylı tam orta məktəbində “Dini radikalizmə qarşı mübarizə” mövzusunda tədbir keçirilib.

Tədbirdə DQİDK-nın Zaqatala bölgəsi üzrə şöbəsinin əməkdaşları Elməddin Atakişiyev və Ləman Balayeva, Balakən rayonu Qullar 2 saylı tam orta məktəbin təşkilatçı müavini Bahar Şixmədova, müəllimlər və yuxarı sinif şagirdləri iştirak ediblər.

Tədbiri giriş sözü ilə açan məktəbin təşkilatçı müavini Bahar Şixmədova dövlətin və cəmiyyətin dini radikalizmin təhlükəsindən qorunması, şagirdlərin radikal dini cərəyanların təsiri altına düşməməsi üçün bu cür maarifləndirici tədbirlərin mütəmadi keçirilməsinin vacibliyindən danışıb.

Daha sonra çıxış edən DQİDK-nın Zaqatala bölgəsi üzrə şöbəsinin əməkdaşı Ləman Balayeva qeyd edib ki, müasir dövrümüzdə dini radikalizm dünya miqyasında narahatlığa səbəb olan əsas problemlərdən biridir, günümüzdə dini radikalizm məzhəblər və dinlərarası dözümsüzlük, zorakılıq, eləcə də dini motivlərlə törədilən terror aktlarında təzahür edir. L.Balayeva gənclərin dini radikal qrupların təsiri altına düşməmələri üçün təhsilin və sağlam həyat keçirməyin önəmini vurğulayıb.

DQİDK-nın Zaqatala bölgəsi üzrə şöbəsinin əməkdaşı Elməddin Atakişiyev öz çıxışında “Gənclərin radikal və ekstremist meyillərdən qorunması” mövzusunda çıxış edərək Azərbaycanda radikalizmə qarşı mübarizə çərçivəsində keçirilən maarifləndirmə tədbirlərindən bəhs edib, gənclərin vətənpərvərlik ruhunda tərbiyə olunmasının, dini radikalizm meyillərinə qarşı məlumatlı olmağın önəmini diqqətə çatdırıb. E.Atakişiyev ölkəmizdə mövcud olan dövlət-din münasibətləri sahəsində aparılan uğurlu ideoloji fəaliyyət haqqında da danışıb.

Tədbirdə, həmçinin “Şəhadət” sənədli filmi nümayiş etdirilib, məktəbliləri maraqlandıran suallar cavablandırılıb.


Son baxılan xəbərlər

Zərdabda Aprel döyüşlərinə həsr olunmuş tədbir keçirilib

Press-relizlər
04.04.2019 / 14:14
Ətraflı oxu

Saatlıda “Terrorizm, dini radikalizm və ekstremizmə qarşı mübarizə” mövzusunda maarifləndirici tədbir keçirilib

Press-relizlər
19.03.2018 / 09:54
Ətraflı oxu

Kürdəmirdə dini maarifləndirmə və milli-mənəvi dəyərlərin təbliği işini daha da gücləndirmək məqsədilə tədbir keçirilib

Press-relizlər
09.01.2018 / 15:36
Ətraflı oxu

Milli-mənəvi dəyərlərin böyük təəssübkeşi

Xəbərlər
22.05.2020 / 11:12
Ətraflı oxu

Lənkəran və Masallıda "Məzhəbçilik-dini təhlükəsizliyə təhdid kimi" mövzusu müzakirə edilib

Xəbərlər
21.08.2019 / 14:47
Ətraflı oxu

Bölgələrdə maarifləndirmə tədbirləri davam etdirilir

Press-relizlər
01.03.2018 / 09:18
Ətraflı oxu