Cəlilabaddakı “N” saylı hərbi hissədə “Vətən sərhəddən başlayır, sərhədlərimiz milli dəyərimizdir” mövzusunda tədbir keçirilib

Press-relizlər / 07.02.2019 / 17:04

Fevralın 7-də Azərbaycan Respublikasının Dini Qurumlarla İş üzrə Dövlət Komitəsi (DQİDK) və Sərhəd Qoşunlarının birgə təşkilatçılığı ilə Sərhəd Qoşunlarının Göytəpə şəhərində yerləşən “N” saylı hərbi hissəsində “Vətən sərhəddən başlayır, sərhədlərimiz milli dəyərimizdir” mövzusunda maarifləndirici tədbir keçirilib.

Tədbir Vətən uğrunda şəhid olan igidlərimizin  ruhunu bir dəqiqəlik sükutla yad etməklə başlayıb. Sonra Dövlət Komitəsinin sifarişi ilə çəkilmiş “Şəhadət” sənədli filmi nümayiş etdirilib.

Tədbirdə DQİDK-nın Masallı bölgəsi üzrə şöbəsinin müdiri Miryəhya Bədirov, hərbi hissənin rəhbərliyi - polkovnik Müzəffər Pirizadə, polkovnik-leytenant Pənah Şükürov, polkovnik-leytenant Bəhruz Qasımov, eləcə də zabit, gizir və əsgərlər iştirak ediblər.

Tədbiri giriş sözü ilə açan hərbi hissənin komandiri, polkovnik Müzəffər Pirizadə mövzünün əhəmiyyətindən danışıb. O, dini radikalizmin törətdiyi fəsadlardan və bu sahədə hərbçilərin də maarifləndirilməsinin önəmindən bəhs edib.

DQİDK-nın Masallı bölgəsi üzrə şöbəsinin müdiri Miryəhya Bədirov çıxışında dini radikalizmin yaranma səbəbləri, dini radikal qrupların təbliğat metodları və dini radikalizmə qarşı mübarizə üsulları haqqında danışıb. Bildirib ki, radikal dini qruplar gəncləri öz təsirlərinə salmağa çalışırlar.

Polkovnik-leytenant Bəhruz Qasımov belə tədbirlərin dini radikalizmə qarşı mübarizədə önəmini vurğulayaraq seminar-treninqlərin davamlı olaraq keçirilməsinin zəruriliyini qeyd edib.

Sonda hərbçiləri maraqlandıran suallar cavablandırılıb.

 


Son baxılan xəbərlər

Dini maarifləndirmə tədbirləri davam etdirilir

Press-relizlər
30.01.2018 / 14:45
Ətraflı oxu

Səyavuş Heydərov: "Ölkəmizdə formalaşmış dövlət-din münasibətləri dünyaya nümunədir"

Xəbərlər
10.10.2018 / 18:00
Ətraflı oxu

Bakıda dünya yəhudilərinin Yeni il bayramı - “Roş-Ha-Şana” münasibətilə tədbir keçirilib

Press-relizlər
12.09.2018 / 11:33
Ətraflı oxu

Müstəqil Azərbaycan - 25: multikulturalizmin və tolerantlığın bariz nümunəsi

Press-relizlər
28.04.2016 / 09:48
Ətraflı oxu

“İslamda Vətən sevgisi və milli özünüdərk” mövzusunda tədbir keçirilib

Press-relizlər
22.11.2017 / 17:39
Ətraflı oxu

Siyəzəndə “Narkomaniya və dini radikalizmə qarşı mübarizədə gənclərin maarifləndirilməsi” mövzusunda tədbir keçirilib

Press-relizlər
24.01.2018 / 17:13
Ətraflı oxu