Göyçayda “Zərərli vərdişlər, erkən nikah və dini radikalizmin fəsadları” mövzusunda maarifləndirmə tədbiri keçirilib

Press-relizlər / 14.12.2018 / 17:13

Dekabrın 14-də Göyçay Rayon İcra Hakimiyyəti (RİH), Göyçay rayon Polis şöbəsi (RPŞ) və Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsinin birgə təşkilatçılığı ilə “Zərərli vərdişlər, erkən nikah və dini radikalizmin fəsadları” mövzusunda maarifləndirmə tədbiri keçirilib.

Göyçay rayonu Bığır kəndində keçirilən tədbirdə DQİDK-nın Ucar bölgəsi üzrə şöbəsinin əməkdaşı Rauf Nəsirov, Göyçay RPŞ-nin rəis müavini Rövşən Babayev, İctimai təhlükəsizlik şöbəsinin rəisi, polis mayoru Qiyas Beybutov, rayon təhsil şöbəsinin əməkdaşı Rüstəm Talıbov, kənd məktəbinin müəllim kollektivi, valideynlər və yuxarı sinif şagirdləri iştirak ediblər.

Tədbirdə narkomaniyaya aludə olmuş insanların cəmiyyətdən necə təcrid olunduqları, onların hətta öz yaxınları tərəfindən də qəbul edilmədikləri iştirakçıların diqqətinə çatdırılıb. Bəşəriyyətin ən böyük bəlalarından olan narkotiklərin qanunsuz dövriyyəsi və narkomanlığın bu gün dünyamızı narahat edən mürəkkəb problemlərdən biri olduğu vurğulanıb.

Tədbirdə eyni zamanda dini radikalizmin yaranma səbəblərindən, onun yaratdığı fəsadlardan, ölkəmizdə dini radikalizmə qarşı aparılan mübarizədən geniş bəhs olunub.

Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Dövlət Komitəsinin sədri Mübariz Qurbanlı: Ulu Öndər Heydər Əliyev dini qaydalarımıza çox ciddi şəkildə ...

Press-relizlər
11.12.2018 / 17:35
Ətraflı oxu

İsmayıllıda dini radikalizmlə bağlı tədbir təşkil olunub

Press-relizlər
21.02.2018 / 16:58
Ətraflı oxu

Rəşad Məcid: “XXI əsrdə insanların cəhalətə, xurafata yuvarlandığını görəndə heyrət edirəm”

Müsahibələr
28.02.2020 / 17:33
Ətraflı oxu

Yevlaxda Xocalı soyqırımı qurbanları anılıb

Press-relizlər
21.02.2020 / 15:14
Ətraflı oxu

Bakının Nizami rayonunda "Dini ekstremizm və radikal dini təriqətlərə qarşı mübarizə” mövzusu müzakirə olunub

Press-relizlər
13.02.2019 / 17:24
Ətraflı oxu

Vətəndaşlara "Elektron hökumət" portalının imkanları barədə məlumat verilib

Xəbərlər
22.11.2018 / 15:59
Ətraflı oxu