“Sülh aylığı” çərçivəsində növbəti tədbir keçirilib

Press-relizlər / 04.09.2018 / 15:09

Sentyabrın 4-də Laçın Rayon İcra Hakimiyyəti (RİH) və Dini Qurumlarla İş üzrə Dövlət Komitəsinin (DQİDK) Ağcabədi bölgəsi üzrə şöbəsinin birgə təşkilatçılığı ilə Ağcabədi rayonunun Taxta Körpü qəsəbəsində “Sülh aylığı” çərçivəsində tədbir keçirilib.
Tədbirdə Laçın RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Cabir Əvəzzadə, DQİDK-nın Ağcabədi bölgəsi üzrə şöbəsinin əməkdaşı Cavid Məlikzadə, ümumtəhsil məktəblərinin müəllimləri və ictimaiyyət nümayəndələri iştirak ediblər.
Tədbiri giriş sözü ilə açan Laçın RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Cabir Əvəzzadə bildirib ki, hər il 21 sentyabr - “Beynəlxalq Sülh Günü” ərəfəsində Azərbaycan Respublikasının İnsan Hüquqları Üzrə Müvəkkilinin təşəbbüsü ilə ənənəvi olaraq ölkəmizdə 21 avqust-21 sentyabr tarixlərində “Sülh aylığı” elan edilir və bir çox kütləvi tədbirlər təşkil olunur.
Laçın RİH başçısı Aparatının İctimai-siyasi və humanitar məsələlər şöbəsinin baş məsləhətçisi Yasin Həsənov “Azərbaycan dövləti daima sülhün təminatçısıdır” mövzusunda məruzə ilə çıxış edib.
Mövzu ilə bağlı çıxış edənlər ən ali insan hüququnun yaşamaq hüququ olduğunu bildirərək, Ermənistan-Azərbaycan münaqişəsi zamanı 20 min nəfərədək dinc sakinin ermənilər tərəfindən amansızlıqla qətlə yetirildiyini, bununla da onların yaşamaq hüququndan məhrum edildiyini bəşər tarixinin ən qanlı cinayəti adlandırıblar. Eyni zamanda bildirilib ki, dövlətimiz apardığı sülhməramlı siyasəti ilə bütün dünya ölkələrinə bir nümunədir.
Sonda tədbir iştirakçılarını maraqlandıran suallar cavablandırılıb.


Son baxılan xəbərlər

Prezident İlham Əliyev: “Azərbaycan bu gün dünyada multikulturalizmin mərkəzidir”

Multikulturalizm
21.06.2017 / 17:31
Ətraflı oxu

Bərdədə yerləşən N saylı hərbi hissədə “Vətənpərvərlik nümunəsi: qazilik və şəhidlik” mövzusunda tədbir keçirilib

Xəbərlər
06.09.2019 / 14:03
Ətraflı oxu

Tərtərdə “Şəhadət” sənədli filmi nümayiş etdirilib

Press-relizlər
06.04.2018 / 17:24
Ətraflı oxu

Qubada “Vətəni sevmək imandandır” mövzusunda tədbir keçirilib

Press-relizlər
21.02.2018 / 17:04
Ətraflı oxu

Dövlət Komitəsində görüş keçirilib

Press-relizlər
31.08.2018 / 09:53
Ətraflı oxu

“İslam sivilizasiyası Qafqazda” mövzusunda İkinci Beynəlxalq Simpozium keçiriləcək

Press-relizlər
02.04.2019 / 16:40
Ətraflı oxu