Aİİ və Heydər Əliyev İrsini Araşdırma Mərkəzi növbəti tədbirini keçirib

Press-relizlər / 23.11.2018 / 09:24

Azərbaycan İlahiyyat İnstitutu (Aİİ) və Heydər Əliyev İrsini Araşdırma Mərkəzi növbəti – Azərbaycanda Vətəndaş Cəmiyyətinin İnkişafına Yardım Assosiasiyasının portalının bazasında keçirilən diskussiyalar silsiləsini davam etdirib.

Müzakirələrdə Aİİ-nin müəllimi – ilahiyyat üzrə fəlsəfə doktoru, dosent Anar Qafarov, AMEA akademik Ziya Bünyadov adına Şərqşünaslıq İnstitutunun aparıcı elmi işçisi Aslan Həbibov, Heydər Əliyev İrsini Araşdırma Mərkəzinin əməkdaşı Gündüz Nəsibov, ilahiyyat üzrə fəlsəfə doktoru Sevinc Aslanova, jurnalist Azər Həsrət iştirak ediblər. 

Müzakirələrdə “Məzhəbçilik İslam dünyasını parçalayan tendensiya kimi” mövzusunda geniş fikir mübadiləsi aparılıb.

Diskussiyada İslam həmrəyliyinin vacibliyindən danışan tədbir iştirakçıları dünyada qloballaşma prosesinin getdiyini və bu faktorun  ayrı-ayrı məkanlarda qarşıdurmalara səbəb olduğunu diqqətə çatdırıblar. Bildirilib ki, məzhəbçilik və təriqətçilik hallarına qarşı maarifçilik prinsipindən çıxış etmək zəruridir. Onlar orta məktəblərdə milli-mənəvi və dini dəyərlərimizlə bağlı biliklərin verilməsinin vacibliyini qeyd ediblər. Bu biliklərə bütün dinlərin, müqqəddəs kitabların mahiyyətinin öyrənilməsi, eləcə də dini radikalizm haqqında məlumatlar daxildir.

Tədbir iştirakçıları  Qurani-Kərimdə bütün müsəlmanların sülhə, birliyə və vəhdətə çağırıldığını qeyd ediblər. Vurğulanıb ki, dini zəmində ixtilafların süni şəkildə qabardıldığı bir zamanda, Azərbaycanda Vəhdət namazının qılınması ilə bütün dünya üçün olduqca gözəl örnəyin əsası qoyulub.

Disskussiya məzhəblərarası problemlərin aradan qaldırılma üsulları, dinin cəmiyyətdəki funksiyaları, dünya üçün real təhlükə olan dini fanatizm, dini radikalizmin mahiyyəti və onlara qarşı intellektual mübarizənin yolları haqqında müzakirələrlə davam etdirlib.


Son baxılan xəbərlər

Yevlaxda “İnsan Hüquqları Aylığı” ilə bağlı tədbir keçirilib

Press-relizlər
30.05.2019 / 14:03
Ətraflı oxu

Gündüz İsmayılov: "Bu gün gəncliyimiz milli-mənəvi və dini dəyərlərimizə sadiqliyi baxımından mövcud vəziyyəti adekvat ...

Müsahibələr
09.02.2019 / 10:56
Ətraflı oxu

Dövlət bayrağı milli kimliyimizi xarakterizə edir

Press-relizlər
08.11.2017 / 15:47
Ətraflı oxu

Mübariz Qurbanlı: Azərbaycanda dinlərarası məsələlərdə heç bir problem yoxdur

Açıqlama
18.12.2014 / 16:04
Ətraflı oxu

Astarada Ramazan ayının başlanması ilə bağlı tədbir keçirilib

Press-relizlər
02.05.2019 / 12:41
Ətraflı oxu

Zaqatalada “Azərbaycanda dövlət-din münasibətləri” mövzusunda maarifləndirmə tədbiri keçirilib

Press-relizlər
26.07.2018 / 15:21
Ətraflı oxu