Tərtər rayonunda “Uşaq hüquqları aylığı” çərçivəsində tədbir keçirilib

Press-relizlər / 08.11.2018 / 14:58

Noyabrın 7-də  Tərtər rayon İcra Hakimiyyətinin, Dini Qurumlarla İş üzrə Dövlət Komitəsinin Ağcabədi bölgəsi üzrə şöbəsi və Tərtər Rayon Təhsil Şöbəsinin birgə təşkilatçılığı ilə Tərtər rayonu 6 saylı tam orta məktəbdə “Uşaq Hüquqları aylığı” çərçivəsində “Uşaqları dini fanatizm və radikalizm təhlükəsindən qoruyaq” mövzusunda tədbir keçirilib.

Tədbirdə Tərtər rayonu 6 saylı tam orta məktəbinin direktoru Azad Abbasov, Dövlət Komitəsinin Ağcabədi bölgəsi üzrə şöbəsinin əməkdaşı Pərviz Eyvazov, Tərtər rayon “Cümə” məscidi dini icmasının sədri və imamı Sadiq Cəfərov, Tərtər rayon Təhsil şöbəsinin əməkdaşları - İntiqam Nuriyev, Əmirxan Səfərov, Nuranə Məmmədli, məktəbin müəllimləri və yuxarı sinif şagirdləri iştirak ediblər.

Tərtər rayonu 6 saylı tam orta məktəbinin direktoru Azad Abbasov tədbiri giriş sözü ilə açaraq bildirib ki, uşaq hüquqları ilə bağlı  tədbirlərin məktəblərdə keçirilməsinin əhəmiyyəti çox böyükdür. O, çıxışında qeyd edib ki, bugünkü tədbir çox aktual bir mövzuya həsr edilib.

Tədbirdə Dövlət Komitəsinin Ağcabədi bölgəsi üzrə şöbəsinin əməkdaşı Pərviz Eyvazov “Uşaqları dini fanatizm və radikalizm təhlükəsindən qoruyaq” mövzusunda məruzə edərək bildirib ki,  Azərbaycan Respublikasının Konstitusiyasına uyğun olaraq uşaq hüquqlarının həyata keçirilməsinə dövlət nəzarət edir, bu sahədə dövlət siyəsətinin əsas məqsədi uşaqların tərbiyə olunması, təhsil alması və layiqli vətəndaş kimi formalaşmasının təmin edililməsidir. Tərtər rayon “Cümə” məscidi dini icmasının sədri və imamı Sadiq Cəfərov öz çıxışında uşaqların zərərli vərdişlərdən qorunmasında milli-mənəvi dəyərlərimizin böyük rolu olduğunu  qeyd edib.

Daha sonra çıxış edən Tərtər Rayon Təhsil Şöbəsinin əməkdaşları - İntiqam Nuriyev, Əmirxan Səfərov və Nuranə Məmmədli belə tədbirlərin davamlı keçirilməsini tövsiyə ediblər.

Sonda dinləyicilər tərəfindən verilən suallar cavablandırılıb.


Son baxılan xəbərlər

Bakıda “Azərbaycan Xalq Cümhuriyyəti – 100: dövlət-din münasibətləri və varislik ənənələri” mövzusunda konfrans keçirilib

Xəbərlər
22.11.2018 / 16:00
Ətraflı oxu

“Dini ekstremizm: onun səbəbləri və aradan qaldırılması üsulları” layihəsi çərçivəsində maarifləndirici tədbir keçirilib

Press-relizlər
25.01.2017 / 09:20
Ətraflı oxu

Dövlət Komitəsinin sədri ABŞ nümayəndə heyətinin üzvləri ilə görüşüb

Press-relizlər
05.02.2020 / 16:15
Ətraflı oxu

Bakıda “Prezident İlham Əliyevin siyasəti: mədəniyyətlərarası və dinlərarası harmoniya” mövzusunda konfrans keçirilib

Press-relizlər
18.12.2019 / 17:44
Ətraflı oxu

Dövlət Komitəsində görüş keçirilib

Press-relizlər
18.09.2018 / 10:18
Ətraflı oxu

Mübariz Qurbanlı: “Fəaliyyətdə olan bəzi məscidlərdə nə Komitənin qeydə aldığı dini icma, nə də ...

Açıqlama
07.07.2015 / 18:28
Ətraflı oxu