Qubada bölgənin din xadimləri Bayraq muzeyində olublar

Press-relizlər / 07.11.2018 / 16:40

Noyabrın 7-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin, Quba Rayon İcra Hakimiyyətinin (RİH) və Qafqaz Müsəlmanları İdarəsinin (QMİ) Quba bölgəsi üzrə qazılığının birgə təşkilatçılığı ilə Quba şəhərində yerləşən Bayraq muzeyində “Dövlət Bayrağı Günü”nə həsr olunmuş tədbir keçirilib. Tədbirdə DQİDK-nın Quba bölgəsi üzrə şöbəsinin müdir müavini Ramin Xudayev, Quba RİH başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Tariyel İbrahimov, QMİ-nin Quba və Qusar rayonları üzrə səlahiyyətli nümayəndələri, eləcə də Quba, Qusar, Xaçmaz rayonlarının din xadimləri, dini icma sədrləri iştirak ediblər.

Quba RİH başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Tariyel İbrahimov bildirib ki, Azərbaycan Respublikasının Prezidenti cənab İlham Əliyevin müvafiq Sərəncamına uyğun olaraq Azərbaycanda 9 noyabr tarixi hər il Dövlət Bayrağı Günü kimi qeyd olunur. T.İbrahimov Dövlət bayrağının yaranma tarixindən və atributun mənasından söz açıb.

DQİDK-nın Quba bölgəsi üzrə şöbəsinin müdir müavini Ramin Xudayev bildirib ki, bayraq hər bir dövlətin atributu olmaqla yanaşı, şərəf və qürur mənbəyidir. Azərbaycanın din xadimləri hər zaman dövlət bayrağına hörmətlə yanaşıb, onun müqəddəsliyini dini məclislərdə, xütbələrdə xüsusi şəkildə vurğulayıblar.

QMİ-nin Qusar rayonu üzrə səlahiyyətli nümayəndəsi Fəryaddin Rəhimxanov bildirib ki, İslam dinində bayraq müqəddəs hesab olunur və cümə xütbələrində vətənpərvərlik mövzularına xüsusi yer ayrılır.

QMİ-nin Quba bölgəsi üzrə qazılığının əməkdaşı Anar Eyyubov qeyd edib ki, qazılıq vaxtaşırı dövlət atributlarının təbliği sahəsində dindarların iştirakı ilə maarifləndirici tədbirlər təşkil edir.

Daha sonra din xadimləri muzeylə tanış olub, xatirə şəkilləri çəkdiriblər


Son baxılan xəbərlər

Allahşükür Paşazadə: Azərbaycanda məzhəblər arasında fikirayrılığından istifadə etmək istəyən düşmənlər çoxdur

Xəbərlər
14.02.2015 / 10:55
Ətraflı oxu

Bakıda “2017 - İslam Həmrəyliyi İli: Dinlər və mədəniyyətlərarası dialoq” mövzusunda beynəlxalq konfrans keçirilib

Press-relizlər
22.12.2017 / 11:55
Ətraflı oxu

Prezident İlham Əliyev ABŞ Etnik Anlaşma Fondunun prezidentinin başçılıq etdiyi nümayəndə heyətini qəbul edib

Xəbərlər
04.03.2019 / 17:09
Ətraflı oxu

Zaqatalada “Dini maarifləndirmə işinin təşkili: gerçəkliklər və perspektivlər” mövzusunda seminar-treninq keçirilib

Press-relizlər
25.09.2018 / 15:49
Ətraflı oxu

Şamaxıda keçirilən regional konfrans panel iclasla öz işini davam etdirib

Xəbərlər
13.03.2019 / 16:48
Ətraflı oxu

Şamaxıda “Müasir çağırışlar: dini durum və vəzifələr” mövzusunda regional konfrans işə başlayıb

Press-relizlər
12.03.2019 / 17:36
Ətraflı oxu