“Dini radikalizmə və ekstremizmə qarşı mübarizə” mövzusunda tədbir təşkil olunub

Press-relizlər / 23.10.2018 / 14:56

Oktyabrın 23-də Dini Qurumlarla İş üzrə Dövlət Komitəsinin (DQİDK) Bakı şəhəri üzrə şöbəsi və Nizami Rayon Polis İdarəsinin birgə təşkilatçılığı ilə 70 saylı tam orta məktəbdə “Dini radikalizmə və ekstremizmə qarşı mübarizə” mövzusunda tədbir keçirilib.

Tədbirdə DQİDK-nın Bakı şəhəri üzrə şöbəsinin əməkdaşları Aslan Sultanov və Günel Zahidova, Nizami Rayon Polis İdarəsinin 24-cü polis bölməsinin rəisi, polis polkovnik-leytenantı Cövdət Məmmədov, Nizami Rayon Polis İdarəsinin Yetkinlik yaşına çatmayanlarla profilaktik işin təşkili şöbəsinin baş inspektoru, polis kapitanı Pərvanə Əzizova, inspektor, polis baş leytenantı İlahə Balayeva, məktəbin direktoru Nazim Qasımov və şagirdlər iştirak ediblər.

Tədbiri giriş sözü ilə açan məktəbin direktoru Nazim Qasımov Azərbaycanda formalaşmış tolerantlıq ənənələrindən bəhs edib, mövzu ilə bağlı şagirdlərə müxtəlif tövsiyələr verib.

Daha sonra çıxış edən DQİDK-nın Bakı şəhəri üzrə şöbəsinin əməkdaşı Aslan Sultanov dini radikalizm, ekstremizm və terrorizm məfhumlarının mahiyyətindən bəhs edib, dini radikalizmlə mübarizədə və sağlam dini düşüncənin formalaşmasında dini maarifləndirmənin böyük əhəmiyyət kəsb etdiyini vurğulayıb.

Nizami Rayon Polis idarəsinin Yetkinlik yaşına çatmayanlarla proflaktik işin təşkili şöbəsinin inspektoru, polis baş leytenantı İlahə Balayeva öz çıxışında Azərbaycanın müstəqillik tarixindən bəhs edib, din və vicdan azadlığı kimi mövzulara toxunub.

Sonda DQİDK-nın sifarişi lə çəkilmiş “Şəhadət” sənədli filmi nümayiş etdirilib, tədbir iştirakçılarının sualları cavablandırılıb.


Son baxılan xəbərlər

Astarada “Dini və ideoloji təhlükəsizlik” mövzusunda regional seminar-müşavirə keçirilib

Press-relizlər
20.08.2019 / 16:17
Ətraflı oxu

“Gənclərin zərərli vərdişlərdən çəkindirilməsində milli-mənəvi dəyərlərin rolu” mövzusunda maarifləndirici tədbir keçirilib

Press-relizlər
11.05.2017 / 15:53
Ətraflı oxu

Qobustan qəsəbəsində maarifləndirmə tədbirləri keçirilib

Press-relizlər
04.02.2017 / 11:15
Ətraflı oxu

Paytaxt məktəblərində maarifləndirmə tədbirləri keçirilib

Press-relizlər
22.05.2019 / 16:43
Ətraflı oxu

Azərbaycan İslam həmrəyliyinin möhkəmlənməsi prosesinə böyük töhfələr verib

Press-relizlər
08.11.2017 / 09:48
Ətraflı oxu

Xocasən qəsəbəsində “Dövlət-din münasibətləri: tarix, hüquq və ənənə” mövzusunda tədbir keçirilib

Press-relizlər
19.02.2020 / 16:55
Ətraflı oxu