Azərbaycan İlahiyyat İnstitutunda “Din, hüquq və əxlaq: müqayisəli təhlil” mövzusunda seminar keçirilib

Press-relizlər / 11.10.2018 / 09:58

Azərbaycan İlahiyyat İnstitutu (Aİİ) “Din, hüquq və əxlaq: müqayisəli təhlil” mövzusunda seminar keçirib.

Tədbirdə institutun müəllim-tələbə heyəti və ictimaiyyət nümayəndələri iştirak ediblər.

Seminarı Aİİ-nin müəllimi, fəlsəfə üzrə fəlsəfə doktoru İlkin Əlimuradov aparıb. İnstitutda maarifləndirmə işinə xüsusi önəm verildiyini, bu məqsədlə mütəmadi olaraq müxtəlif seminarların təşkil edildiyini bildirən İ.Əlimuradov mövzunun əhəmiyyətinə toxunub. İ.Əlimuradov tələbələrin dünyagörüşünün zənginləşməsi, elmi axtarışlara sövq edilməsi üçün Aİİ-nin müxtəlif mövzularda təşkil etdiyi seminarların faydasını xüsusi vurğulayıb.

Sonra Xəzər Universitetinin müəllimi, fəlsəfə üzrə fəlsəfə doktoru Mail Yaqub “Din, hüquq və əxlaq: müqayisəli təhlil” mövzusunda məruzəsini təqdim edib. Məruzədə din, hüquq, əxlaq anlayışları ayrı-ayrılıqda izah edilərək, bu üç mühüm sahənin qaynağı və məqsədi şərh olunub. M.Yaqub qeyd edib ki, dinin qaynağı Tanrı, hüququn əsası dövlət, əxlaqın əsası isə insanın özü və vicdanıdır. Bildirilib ki, dinin qayəsi insanları Tanrıya yaxınlaşdırmaq, hüququn məqsədi ictimai asayişi təmin etmək, əxlaqın hədəfi isə insanın davranışlarını tənzimləməkdir. Məruzəçi vurğulayıb ki, dini əməllərə Tanrı, hüquqi qanunlara dövlət nəzarəti olsa da, əxlaqi qanunlara yalnız vicdan nəzarət edir. Daha mühüm bir əlamət isə əxlaqi işin qarşılıq gözləmədən yerinə yetirilməsidir.

Bu üç məhfumun konkret vahid bir sahədə cəm olduğunu söyləyən natiq müasir fəlsəfədə əxlaq və ədalət mövzusuna da toxunub, amerikalı filosof Maykl Sandelin bu barədə mülahizələrinə və tənqidlərinə istinad edib.

Sonda mövzu ətrafında fikir mübadiləsi aparılıb, tədbir iştirakçılarının sualları cavablandırılıb.


Son baxılan xəbərlər

Mingəçevirdə “Gənclərin radikal meyillərdən qorunması” mövzusunda tədbir keçirilib

Press-relizlər
12.05.2017 / 17:03
Ətraflı oxu

Mənəvi Dəyərlərin Təbliği Fondu Qubada regional seminar təşkil edib

Press-relizlər
06.11.2018 / 15:12
Ətraflı oxu

Masallıda maarifləndirmə tədbiri keçirilib

Press-relizlər
31.10.2018 / 17:25
Ətraflı oxu

Dövlət Komitəsinin sədri Simon Vizental Mərkəzinin təsisçisi Abraham Kuper və yevangelist icmasının nümayəndəsi Conni ...

Xəbərlər
26.11.2018 / 15:45
Ətraflı oxu

Yevlaxda “Dövlət-din münasibətlərinin tənzimlənməsində dini icmaların rolu” mövzusunda tədbir keçirilib

Press-relizlər
24.01.2019 / 15:05
Ətraflı oxu

Dini Qurumlarla İş üzrə Dövlət Komitəsinin Mətbuat Xidməti: Bundestaqın qətnaməsi qərəzlidir

Bəyanat
14.06.2015 / 16:00
Ətraflı oxu