Yardımlıda "Narkomaniyaya qarşı mübarizədə din amili" mövzusunda tədbir keçirilib

Press-relizlər / 10.10.2018 / 17:26

Oktyabrın 10-da Yardımlı rayon Heydər Əliyev mərkəzində Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi, Yardımlı Rayon İcra Hakimiyyəti (RİH) və Yardımlı Rayon Polis Şöbəsinin birgə təşkilatçılığı ilə Narkomaniyaya qarşı mübarizədə din amilimövzusunda tədbir keçirilib.

Maarifləndirmə tədbirində DQİDK-nın Masallı bölgəsi üzrə şöbəsinin əməkdaşı Elvin Hüseynli, Yardımlı RİH başçısının birinci müavini Azər Xamıyev, Yardımlı Rayon Polis şöbəsinin  rəisi, polis polkovniki Arif Babayev, hüquq mühafizə orqanı işçiləri, ictimaiyyət nümayəndələri və məktəb şagirdləri iştirak ediblər.

 Tədbiri Yardımlı Rayon Polis Şöbəsinin rəisi, polis polkovniki Arif Babayev açaraq cəmiyyətdə zərərli vərdişlərin və narkomaniyanın törətdiyi fəsadlardan danışıb.

DQİDK-nın Masallı bölgəsi üzrə şöbəsinin əməkdaşı Elvin Hüseynli narkomaniyanın, o cümlədən zərərli vərdişlərin törətdiyi bəlaların qarşısının alınması və bu sahədə aparılan genişmiqyaslı tədbirlərdən söhbət açıb. Bu cür bəlalarla mübarizədə ictimai qınağın önəmini diqqətə çatdıran natiq bu işdə din xadimlərinin və təhsil müəssisələrinin üzərinə daha çox məsuliyyətin düşdüyünü qeyd edib.

Yardımlı RİH başçısının birinci müavini Azər Xamıyev çıxışında zərərli vərdişlərlə və narkomaniya ilə mübarizədə milli-mənəvi dəyərlərin rolundan söhbət açaraq, gənclər arasında maarifləndirmə işinin aparılmasının əhəmiyyətini qeyd edib.

Tədbirin sonunda iştirakçıları maraqlandıran suallar cavablandırılıb.

Qeyd edək ki, tədbir Azərbaycan Respublikası Təhsil Nazirliyinin və Dini Qurumlarla İş üzrə Dövlət Komitəsinin birgə əmri ilə təsdiq edilmiş “Təhsil müəssisələrində uşaq və gənclərin mənəvi inkişafı, milli-mənəvi və ümumbəşəri dəyərlər ruhunda tərbiyə olunması tədbirlərinin gücləndirilməsi haqqında” Fəaliyyət Planına və Dini Qurumlarla İş üzrə Dövlət Komitəsinin 2018-ci il üçün “Narkomaniyaya qarşı mübarizə” haqqında İş Planına uyğun olaraq keçirilib.


Son baxılan xəbərlər

“Mənəvi borc” filminin video formatda təqdimatı keçirilib

Press-relizlər
12.08.2020 / 16:22
Ətraflı oxu

Bakıda “Hərbi vətənpərvərlik: Silahlı Qüvvələrimiz və milli mənəvi dəyərlərimiz” adlı konfrans keçirilib

Press-relizlər
22.06.2018 / 18:19
Ətraflı oxu

Balakəndə “Dini radikalizmlə mübarizədə gənclərin rolu” mövzusunda maarifləndirici tədbir keçirilib

Press-relizlər
09.01.2020 / 16:39
Ətraflı oxu

“Vətənə sədaqət, milli-mənəvi dəyərlərə hörmət” mövzusunda tədbir keçirilib

Press-relizlər
19.12.2017 / 11:58
Ətraflı oxu

“Mənəvi dəyərlərimizi qoruyaq!” mövzusunda tədbir təşkil olunub

Press-relizlər
14.03.2019 / 16:29
Ətraflı oxu

Dövlət Komitəsi sədrinin müavini Səyavuş Heydərovun Moderator.az saytına müsahibəsi (İKİNCİ HİSSƏ)

Müsahibələr
18.11.2016 / 10:33
Ətraflı oxu