Azərbaycan Respublikası Azərbaycan Xalq Cümhuriyyətinin siyasi və mənəvi varisidir

Press-relizlər / 17.09.2018 / 16:33

Sentyabrın 17-də Dini Qurumlarla İş üzrə Dövlət Komitəsinin (DQİDK) Lənkəran bölgəsi üzrə şöbəsi və Azərbaycan Respublikası Prezidenti yanında Bilik Fondunun birgə təşkilatçılığı ilə Azərbaycan Xalq Cümhuriyyətinin 100 illiyi ilə əlaqədar Lənkəran rayonu Cil kənd tam orta məktəbində “Azərbaycan Respublikası Azərbaycan Xalq Cümhuriyyətinin siyasi və mənəvi varisidir” mövzusunda tədbir keçirilib.
Tədbirdə DQİDK-nın Lənkəran bölgəsi üzrə şöbəsinin müdiri Qağayı Məmmədov, şöbənin əməkdaşı Emin Həmidli, Cil kənd tam orta məktəbinin direktoru Ağamoğlan Həbibov, müəllimlər və məktəbin yuxarı sinif şagirdləri iştirak ediblər.
Tədbiri giriş sözü ilə açan məktəbin direktoru Ağamoğlan Həbibov çıxışında Azərbaycan Xalq Cümhuriyyətinin (AXC) tariximizin dövlətçilik salnaməsinə qızıl hərflərlə yazıldığını bildirib. 
DQİDK-nın Lənkəran bölgəsi üzrə şöbəsinin müdiri Qağayı Məmmədov çıxışında müsəlman Şərqində ilk demokratik və dünyəvi dövlət nümunəsi olan Azərbaycan Xalq Cümhuriyyətinin 23 aylıq fəaliyyət dövrü haqqında məlumat verib. Natiq AXC dövründə həyata keçirilən tədbirlərdən danışıb. O, Ümummilli Lider Heydər Əliyevin AXC ənənələrinin yaşadılması istiqamətində mühüm addımlar atdığını və bunun isə Prezident İlham Əliyev tərəfindən bu gün uğurla davam etdirildiyini qeyd edib. 
DQİDK-nın Lənkəran bölgəsi üzrə şöbəsinin əməkdaşı Emin Həmidli mövzusunda çıxışında Xalq Cümhuriyyəti dövründə mövcud olan dövlət-din münasibətləri haqqında fikirlərini tədbir iştirakçılarının diqqətinə çatdırıb. 
Məktəbin müəllimləri Səbirə Xurşudova və Familə Həbibova Azərbaycan Xalq Cümhuriyyətinin 100 illiyinin qeyd edilməsi ilə bağlı məktəbdə keçirilən maarifləndirmə tədbirinə görə Bilik Fonduna və Dövlət Komitəsinə minnətdarlıqlarını bildiriblər.


Son baxılan xəbərlər

Xırdalan şəhərində “Dini maarifləndirmə işinin təşkili: gerçəkliklər və perspektivlər” mövzusunda seminar-treninq keçirilib

Press-relizlər
12.10.2018 / 15:54
Ətraflı oxu

Səyavuş Heydərov: Dini təhlükəsizlik milli təhlükəsizliyimizin başlıca tərkib hissəsidir

Açıqlama
09.04.2018 / 11:33
Ətraflı oxu

Yeni qeydiyyatdan keçmiş dini icmalara şəhadətnamələr təqdim edilib

Xəbərlər
09.10.2018 / 12:38
Ətraflı oxu

Bakıda “Dini mərasimlər: ənənəvilik və müasirlik” mövzusunda seminar-müşavirə keçirilib

Press-relizlər
14.09.2018 / 11:43
Ətraflı oxu

Multikulturalizm Azərbaycan Respublikasının daxili və xarici siyasətinin mühüm istiqamətidir

Press-relizlər
16.02.2018 / 14:03
Ətraflı oxu

Azərbaycanın öz multikultural və dini tolerantlıq dəyərlərini dünya ölkələri ilə bölüşmək niyyəti yüksək qiymətləndirilib

Press-relizlər
22.11.2018 / 09:38
Ətraflı oxu