Yeni qeydiyyatdan keçmiş dini icmalara şəhadətnamələr təqdim edilib

Xəbərlər / 09.10.2018 / 12:38

Oktyabrın 9-da Dini Qurumlarla İş üzrə Dövlət Komitəsində (DQİDK) yeni qeydiyyatdan keçmiş 26 dini icmaya şəhadətnamələr təqdim edilib. Bu məqsədlə təşkil edilmiş tədbirdə Dövlət Komitəsinin rəhbərliyi, şöbə müdirləri və yeni qeydiyyatdan keçmiş dini icmaların sədrləri iştirak ediblər.

Dövlət Komitəsi sədrinin birinci müavini Səyyad Salahlı çıxışında ölkəmizdəki dövlət-din münasibətlərindən bəhs edib. Vurğulayıb ki, Azərbaycanda dövlət tərəfindən din sahəsinə diqqət və qayğı hər zaman özünü büruzə verir. Əsası Ulu Öndər Heydər Əliyev tərəfindən qoyulan siyasətin davamı kimi Prezident İlham Əliyev milli-mənəvi dəyərlərin qorunub-saxlanılmasına, yüksək tolerantlıq mühitinin və dini dözümlülüyün gücləndirilməsinə xüsusi diqqət ayırır. Eyni zamanda ölkəmizdə dini ibadətgahların inşasına və yenidən qurulmasına önəm verilir, mütəmadi olaraq müsəlman və qeyri-müsəlman dini icmalarına dövlət büdcəsindən maliyyə yardımı ayrılır.

Milli-mənəvi dəyərlərimizin düzgün şəkildə gənclərə çatdırılmasının önəminə toxunan S.Salahlı bu məqsədlə yaradılan Mənəvi Dəyərlərin Təbliği Fondunun fəaliyyətində ölkədə mövcud dini konfessiyaların dəstəklənməsinə, milli-mənəvi dəyərlərə bağlılığın gücləndirilməsinə  xüsusi əhəmiyyət verildiyini diqqətə çatdırıb.

Dini icma sədrlərinə müvafiq tövsiyələrini verən sədrin birinci müavini icmaları xalqımızın gen yaddaşından gələn tolerant və multikultural ənənələrin yaşadılması, gələcək nəsillərə ötürülməsində, eləcə də dini radikalizmə qarşı mübarizədə və dini maarifləndirmə prosesində fəal olmağa çağırıb.

Daha sonra çıxış edən Şamaxı rayonu Dəmirçi kənd məscidi dini icmasının sədri Nəbi İsgəndərov vətəndaşların vicdan azadlığının yüksək şəkildə təmin olunması üçün yaradılan şəraitdən, dini sahəyə göstərilən qayğıdan məmnunluğunu ifadə edib.

Sonda qeydiyyat şəhadətnamələri dini icma sədrlərinə təqdim edilib.


Son baxılan xəbərlər

Sərdar Məhəmməd Yunis: Pakistan Azərbaycanla dini-mənəvi sahədə əməkdaşlığa hər zaman hazırdır

İSLAM HƏMRƏYLİYİ İLİ
17.10.2017 / 16:09
Ətraflı oxu

Masallıda “Mənəvi birlik rəmzi - Qurban bayramı” mövzusunda tədbir keçirilib

Press-relizlər
20.08.2018 / 15:28
Ətraflı oxu

İslam həmrəyliyi dövrün tələbidir

Press-relizlər
04.10.2017 / 10:06
Ətraflı oxu

İslam həmrəyliyinin dini radikalizmə qarşı əhəmiyyəti müzakirə olunub

Press-relizlər
28.03.2017 / 17:34
Ətraflı oxu

Göygöl rayonunda regional müşavirə keçirilib

Press-relizlər
28.04.2017 / 18:01
Ətraflı oxu

Səyavuş Heydərov: “Radikal müxalifət və radikal dindarlar eyni mərkəzdən idarə olunurlar”

Müsahibələr
20.09.2016 / 11:47
Ətraflı oxu