Qubada “Vətən sevgisi imandandır” mövzusunda tədbir baş tutub

Press-relizlər / 28.06.2018 / 17:39

İyunun 27-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi, Quba Rayon İcra Hakimiyyəti (RİH) və Quba Rayon Təhsil Şöbəsinin birgə təşkilatçılığı ilə “Vətən sevgisi imandandır” mövzusunda tədbir keçirilib.
Rayonun Çiçi kəndində keçirilən tədbirdə DQİDK-nın Quba bölgəsi üzrə şöbəsinin müdir müavini Ramin Xudayev, Quba RİH başçısı Aparatının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Tariyel İbrahimov, Quba Rayon Təhsil Şöbəsinin əməkdaşı Anar Murtuzov, RİH başçısının Çiçi kənd inzibati ərazi dairəsi üzrə nümayəndəsi Rüstəm Rzayev, kənd ağsaqqalları, dindarlar və gənclər iştirak ediblər.
DQİDK-nın Quba bölgəsi üzrə şöbəsinin müdir müavini Ramin Xudayev tədbirdə çıxış edərək qeyd edib ki, İslam dininə görə Vətən sevgisi imandandır və vətənpərvərlik İslamda əhəmiyyətli rol oynayır.  
Quba RİH başçısının İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Tariyel İbrahimov çıxış edərək gənclərin vətənpərvərlik ruhunda yetişməsində dinin əhəmiyyətli dərəcədə rolunun olduğunu diqqətə çatdırıb. O bildirib ki, gənclərə Azərbaycanda mövcud olan ənənəvi dini biliklər öyrədilməli, onların kənar təsirlərdən müdafiə olunması üçün maarifləndirici tədbirlər daha tez-tez keçirilməlidir.
Quba Rayon Təhsil Şöbəsinin əməkdaşı Anar Murtuzov bildirib ki, təhsil sahəsində vətənpərvərliyin təbliği əsas şərtlərdəndir. Çünki insanın formalaşdığı vaxtın ilkin çağları məktəb illərinə düşür və bu illər ərzində düzgün istiqamətləndirmə önəmlidir. 
Daha sonra Dini Qurumlarla İş üzrə Dövlət Komitəsinin sifarişi ilə ərsəyə gələn “Şəhadət” sənədli filmi nümayiş etdirilib və mövzu ətrafında müzakirələr aparılıb
 


Son baxılan xəbərlər

Azərbaycan - dünyanı işıqlandıran dini tolerantlıq məkanı

Press-relizlər
03.08.2018 / 14:31
Ətraflı oxu

Dini icmalara şəhadətnamələr təqdim edilib

Press-relizlər
05.12.2018 / 12:39
Ətraflı oxu

Yardımlıda maarifləndirmə tədbiri keçirilib

Press-relizlər
11.06.2019 / 16:34
Ətraflı oxu

İsmayıllıda Xocalı faciəsinin qurbanları anılıb

Press-relizlər
21.02.2019 / 15:55
Ətraflı oxu

Dini Qurumlarla İş üzrə Dövlət Komitəsi: Falçılara və cadugərlərə qarşı qanun sərtləşdirilməlidir

Açıqlama
04.11.2015 / 18:04
Ətraflı oxu

"İslamda Vətən və dövlət sevgisi"

Kitablar
04.12.2015 / 12:49
Ətraflı oxu