Beyləqanda “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq başlayıb

Press-relizlər / 12.06.2018 / 17:44

İyunun 12-də Beyləqanda rayon icra hakimiyyəti (RİH) və Dini Qurumlarla İş üzrə Dövlət Komitəsinin (DQİDK) birgə təşkilatçılığı ilə “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq öz işinə başlayıb.
Beyləqan Gənclər Mərkəzində baş tutan tədbirdə Beyləqan RİH başçısının birinci müavini Telman Məstanov, DQİDK sədrinin müavini Gündüz İsmayılov, Beyləqan Rayon Gənclər və İdman İdarəsinin rəisi Sənan Quliyev, eləcə də rayonun məktəb direktorları, təlim-tərbiyə işləri üzrə direktor müavinləri, məktəb psixoloqları, “Həyat bilgisi” fənnini tədris edən müəllimlər və ictimaiyyət nümayəndələri iştirak ediblər.
Beyləqan RİH başçısının birinci müavini Telman Məstanov tədbiri giriş sözü ilə açaraq dini maarifləndirmə tədbirlərinin keçirilməsini yüksək qiymətləndirib. O, həmçinin rayondakı dini durum, eləcə də dini icmaların fəaliyyəti barədə ətraflı məlumat verib.
DQİDK sədrinin müavini Gündüz İsmayılov dövlət-din münasibətləri istiqamətində görülən işlərdən danışıb. Ölkəmizdə mövcud olan tolerantlıq və multikulturalizm mühitindən bəhs edən G.İsmayılov vurğulayıb ki, dövlət tərəfindən bütün dini konfessiyalar hərtərəfli diqqət və qayğı ilə əhatə olunublar.
Sədr müavini respublikamızda dini radikalizmə qarşı aparılan tədbirlərdən də danışıb, dini radikalizm və ekstremizmə qarşı mübarizə üsulları kimi maarifləndirici, preventiv və inzibati metodlardan istifadə olunduğunu qeyd edib. Dini radikalizmə qarşı maarifləndirmə metodunun effektivliyini xüsusi vurğulayan G.İsmayılov gənclərin düzgün dini bilgilərə yiyələnmələrinin vacibliyini iştirakçıların diqqətinə çatdırıb.
Seminar-treninqin birinci günü iştirakçıları maraqlandıran sualların cavablandırılması ilə yekunlaşıb. 


Son baxılan xəbərlər

Gəncliyimizi zərərli vərdişlərdən qoruyaq!

Press-relizlər
26.11.2019 / 15:35
Ətraflı oxu

Mübariz Qurbanlı: Ermənilərin təmir bəhanəsi ilə “Yuxarı Gövhər ağa” məscidinə zərər vurması onların özününkiləşdirmə ...

Müsahibələr
07.10.2019 / 17:36
Ətraflı oxu

Prezident İlham Əliyevin Aleksandr Lukaşenko ilə təkbətək görüşü olub

Xəbərlər
19.11.2018 / 14:41
Ətraflı oxu

Şamaxıda "Azərbaycanda dövlət-din münasibətləri: tarix və müasirlik" mövzusunda seminar-müşavirə keçirilib

Press-relizlər
09.08.2019 / 12:54
Ətraflı oxu

Şəkidə “Dini radikalizm vətənpərvərlik ideyalarına ziddir” mövzusunda tədbir keçirilib

Press-relizlər
04.12.2017 / 17:03
Ətraflı oxu

Şuşanın işğalından 21 il ötür...

Xəbərlər
08.05.2013 / 10:17
Ətraflı oxu