Siyəzən rayonunun Gilgilçay qəsəbəsində “Şəhadət” filmi nümayiş etdirilib

Arxiv / 07.06.2018 / 15:41

İyunun 7-də Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsi və Siyəzən Rayon İcra Hakimiyyətinin (RİH) birgə təşkilatçılığı ilə Siyəzən rayonu Gilgilçay qəsəbəsində “Şəhadət” sənədli filmi nümayiş etdirilib.
Tədbirdə DQİDK-nın Quba bölgəsi üzrə şöbəsinin əməkdaşı Aqil Əlisoy, Siyəzən RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Balabəy Balabəyov, Gilgilçay qəsəbə tam orta məktəbinin direktoru Samir Baxşiyev, müəllim və şagirdlər iştirak edib.
Məktəbin direktoru S.Baxşiyev  qeyd edib ki, son illər ölkə miqyasında dini maarifləndirmə sahəsində xeyli iş görülüb. O, xüsusilə gənclər və yeniyetmələrin maarifləndirilməsi istiqamətində keçirilən tədbirlərin önəminə toxunub.
DQİDK-nın Quba bölgəsi üzrə şöbəsinin əməkdaşı A.Əlisoy gənc nəslə Vətən sevgisinin aşılanmasının vacibliyindən, dini radikalizmin cəmiyyət üçün fəsadlarından, qeyri-ənənəvi dini qrupların metodologiyasından və təbliğat metodlarından danışıb. Qeyd edib ki, radikal qruplaşmalar insanların Vətənə bağlılığını sarsıtmaq üçün din amilindən istifadə edirlər.
Siyəzən RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı B.Balabəyov dövlət-din münasibətlərinə toxunaraq bildirib ki, Azərbaycandakı mövcud tolerant mühit dövlətimizin həyata keçirdiyi düzgün siyasətin nəticəsidir.
Tədbirin sonunda Dini Qurumlarla İş üzrə Dövlət Komitəsinin sifarişi ilə çəkilən “Şəhadət” sənədli filmi nümayiş etdirilib, iştirakçıları maraqlandıran suallar cavablandırılıb. 


Son baxılan xəbərlər

Yevlaxda Xocalı faciəsinin qurbanları anılıb

Press-relizlər
20.02.2019 / 16:07
Ətraflı oxu

Mehriban xanım Əliyevanın Azərbaycan Respublikasının Birinci vitse-prezidenti təyin edilməsi xalqımız tərəfindən yüksək qiymətləndirilir

Açıqlama
23.02.2017 / 15:04
Ətraflı oxu

Sumqayıtda “Aşura mərasimləri: ənənəvilik və müasirlik” mövzusunda seminar-müşavirə keçirilib

Press-relizlər
04.09.2019 / 16:14
Ətraflı oxu

Səyyad Salahlı: "Dini radikalizmi doğuran əsas səbəblərdən biri İslam haqqında biliklərin az olmasıdır"

Xəbərlər
13.11.2018 / 17:55
Ətraflı oxu

Balakəndə “Dini radikalizm milli-mənəvi dəyərlərə təhlükə mənbəyi kimi” mövzusunda tədbir keçirilib

Press-relizlər
11.07.2019 / 17:27
Ətraflı oxu

Lənkəranda “Uşaqları dini fanatizm və radikalizm təhlükəsindən qoruyaq!” adlı tədbir keçirilib

Press-relizlər
25.10.2018 / 17:09
Ətraflı oxu