Beyləqanda “Aprel şəhidləri gənclərin qəhrəmanlıq ruhunda tərbiyə olunmasının əvəzsiz zirvəsidir” mövzusunda tədbir keçirilib

Press-relizlər / 09.04.2018 / 17:27

Aprelin 9-da Dini Qurumlarla İş üzrə Dövlət Komitəsinin (DQİDK) İmişli bölgəsi üzrə şöbəsinin təşkilatçılığı ilə Beyləqan şəhər 2 saylı tam orta məktəbində “Aprel şəhidləri gənclərin qəhrəmanlıq ruhunda tərbiyə olunmasının əvəzsiz zirvəsidir” mövzusunda maarifləndirici tədbir keçirilib.  
Tədbirdə  DQİDK-nın  İmişli bölgəsi  üzrə şöbəsinin aparıcı məsləhətçisi Elbəy Dəmirov, Beyləqan şəhər 2 saylı tam orta məktəbin direktoru Mətanət Məmmədova, direktor müavini Züleyxa Aslanova, həmin məktəbin müəllimləri  və şagirdləri iştirak ediblər.
Öncə Vətənin azadlığı və bütövlüyü uğrunda canlarını fəda etmiş şəhidlərimizin əziz xatirəsi bir dəqiqəlik sükutla yad edilib.
Daha sonra Beyləqan şəhər 2 saylı tam orta məktəbin  direktoru Mətanət Məmmədova qeyd edib ki, Vətən uğrunda canından keçən qəhrəmanlar heç vaxt unudulmur və onlar gənclərin vətənpərvərlik ruhunda formalaşmasında müstəsna rol oynayır.
Daha sonra DQİDK-nın İmişli bölgəsi üzrə şöbəsinin əməkdaşı Elbəy Dəmirov bildirib ki, Azərbaycanın bütövlüyü uğrunda, torpaqlarımızın qorunmasında canlarından keçmiş şəhidlərimizin ömür yolu gənclərimizə örnəkdir. O qeyd edib ki, hər bir Azərbaycan vətəndaşı öz milli qəhrəmanlarını tanımalı, onların keçdiyi həyat yolunu bilməlidir.
Beyləqan şəhər 2 saylı tam orta məktəbin direktor müavini Züleyxa Aslanova vurğulayıb ki, xalqımız Vətənin azadlığı uğrunda canlarını qurban verənləri həmişə qəlbində yaşadır, onları şərəf, qeyrət simvolu kimi xatırlayır və gənc nəslə nümunə kimi təqdim edir.
Tədbirin sonunda  Dini Qurumlarla İş üzrə Dövlət Komitəsinin sifarişi ilə çəkilmiş “Şəhadət” sənədli filminin nümayişi olub. 
 


Son baxılan xəbərlər

Cəlilabadda "Gənclərin radikal təsirlərdən və zərərli vərdişlərdən qounması yolları" mövzusu müzakirə edilib

Press-relizlər
14.02.2020 / 16:24
Ətraflı oxu

Qafqaz Müsəlmanları İdarəsi Azərbaycandakı dini konfessiyalarla birgə Vətən Müharibəsi ilə bağlı bəyanat yayıb

Bəyanat
16.10.2020 / 15:50
Ətraflı oxu

Saatlı rayonunda maarifləndirmə tədbiri keçirilib

Xəbərlər
19.08.2019 / 12:00
Ətraflı oxu

Qubada dindarlarla radikalizmlə mübarizə yolları müzakirə olunub

Press-relizlər
04.07.2016 / 14:32
Ətraflı oxu

Dini Qurumlarla İş üzrə Dövlət Komitəsi Mətbuat Xidmətinin məlumatı

Açıqlama
07.12.2016 / 19:19
Ətraflı oxu

Tərtərdə “Şəhadət” sənədli filmi nümayiş olunub

Press-relizlər
02.03.2018 / 09:51
Ətraflı oxu