Masallıda 31 mart soyqırımı qurbanları anılıb

Press-relizlər / 30.03.2018 / 16:02

Martın 30-da Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və Masallı Rayon Təhsil Şöbəsinin birgə təşkilatçılığı ilə Masallı şəhəri Sakit Tağıyev adına  4 saylı tam orta məktəbində 31 mart - Azərbaycanlıların Soyqırımı Gününə həsr olunmuş “Xalqımıza qarşı soyqırım siyasətinin qanlı səhifəsi”  mövzusunda tədbir keçirilib.
Tədbirdə DQİDK-nın Masallı bölgəsi üzrə şöbəsinin müdiri Miryəhya Bədirov, Masallı şəhəri Sakit Tağıyev adına 4 saylı tam orta məktəbinin direktoru Namik Ağayev, məktəbin müəllim və şagird kollektivi iştirak ediblər.
Tədbirdən öncə soyqırımı qurbanlarının xatirəsi bir dəqiqəlik sükutla yad edilib.
Daha sonra çıxış edən məktəbin direktoru Namik Ağayev qeyd edib ki, Ümummilli Lider Heydər Əliyevin 1998-ci il 26 mart tarixli Fərmanından sonra hər il 31 mart soyqırımı qurbanları anılır. O bildirib ki, bu soyqırımı ermənilərin azərbaycan türklərinə qarşı mənfur siyasətinin təzahürüdür.
Məktəbin direktor müavini Rahid Məmmədov çıxışında bildirib ki, azərbaycanlıların kütləvi şəkildə qırğını, repressiyalara məruz qalması, doğma yurdlarından sürgün edilməsi və didərgin salınması XX əsr tarixinin ən faciəli və dəhşətli səhifələrindəndir.
DQİDK-nın Masallı bölgəsi üzrə şöbəsinin müdiri Miryəhya Bədirov qeyd edib ki, azərbaycanlıların soyqırımı Bakı, Şamaxı, Quba qəzalarında, Qarabağda, Zəngəzurda, Naxçıvanda, Lənkəranda və başqa bölgələrdə xüsusi qəddarlıqla həyata keçirilib. Erməni qəsbkarları dinc əhalini kütləvi şəkildə qətlə yetirib, kəndləri yandırıb, milli-mədəniyyət abidələrimizi məhv ediblər.
Digər çıxış edənlər erməni şovinistlərinin törətdikləri vəhşiliklərdən söhbət açıblar.
 


Son baxılan xəbərlər

Saatlıda “Dini radikalizmlə mübarizə - milli mənəvi dəyərlərin təbliği” mövzusunda maarifləndirici tədbir keçirilib

Press-relizlər
12.07.2018 / 14:48
Ətraflı oxu

Dini Qurumlarla İş üzrə Dövlət Komitəsi yanında İctimai şuranın Seçki Komissiyasının görüşü keçirilib

Xəbərlər
17.07.2020 / 12:51
Ətraflı oxu

Prezident İlham Əliyev: Bu gün Azərbaycan dünyada multikulturalizmin mərkəzi kimi artıq özünü təsdiqləyib

Xəbərlər
07.06.2018 / 11:29
Ətraflı oxu

“Dini tolerantlıq dövlətin və cəmiyyətin inkişafında vacib amildir” mövzusunda beynəlxalq videokonfrans keçirilib

Xəbərlər
24.07.2020 / 17:21
Ətraflı oxu

Ulu Öndər Heydər Əliyev bütün zamanlarda, bütün dövrlərdə Azərbaycan xalqına ləyaqətlə xidmət etmişdir

Xəbərlər
10.05.2018 / 09:45
Ətraflı oxu

Suraxanıda dindarlarla görüş keçirilib

Press-relizlər
02.05.2019 / 15:03
Ətraflı oxu