Cəzaçəkmə müəssisələrində dini maarifləndirmə tədbirləri davam etdirilir

Press-relizlər / 14.02.2018 / 18:04

Fevralın 14-də Dini Qurumlarla İş üzrə Dövlət Komitəsi (DQİDK) və Ədliyyə Nazirliyinin Penitensiar Xidmətinin birgə təşkilatçılığı ilə 2, 9 və 17 saylı cəzaçəkmə müəssisələrində maarifləndirmə tədbirləri keçirilib.
Tədbirlərdə DQİDK-nın Dini maarifləndirmə işinin təşkili şöbəsinin müdir müavini Ruslan Əsgərov, Ədliyyə Nazirliyinin Penitensiar Xidmətinin məsul əməkdaşları, eləcə də AMEA-nın Şərqşünaslıq İnstitutunun əməkdaşı Elvüsal Məmmədov iştirak ediblər.
DQİDK-nın Dini maarifləndirmə işinin təşkili şöbəsinin müdir müavini Ruslan Əsgərov dini radikalizmin yaranması səbəblərindən, onun yaratdığı fəsadlardan, ölkəmizdə dini radikalizmə qarşı aparılan mübarizədən danışıb. O, ölkəmizdə dövlət-din münasibətlərinin yüksək səviyyədə olduğunu bildirib, dövlət tərəfindən milli-mənəvi dəyərlərimizin qorunması istiqamətində aparılan siyasətdən danışıb.
AMEA-nın Şərqşünaslıq İnstitutunun əməkdaşı Elvüsal Məmmədov çıxışında ölkəmizdə hökm sürən dinlərarası tolerantlıq mühiti haqqında danışıb. Bildirib ki, Azərbaycanda dünyaya nümunə ola biləcək dinlərarası tolerantlıq mövcuddur. O, həmçinin ölkəmizin müsəlman ölkələri arasında həmrəyliyə verdiyi töhfələrdən bəhs edib.
17 saylı cəzaçəkmə müəssisəsinin tərbiyə işləri üzrə rəis müavini Namiq Qocayev dini radikalizmə qarşı mübarizədə maarifləndirmə tədbirlərinin əhəmiyyətindən bəhs edərək bildirib ki, bu tədbirlər məhbusların dini radikalizm və ekstremizmə qarşı maarifləndirilməsində mühüm rol oynayır. Dini radikalizm və ekstremizmə qarşı məzhəblərarası vəhdətin əhəmiyyətindən danışan N.Qocayev bu baxımdan ölkəmizin nümunə ola biləcəyini qeyd edib.
Penitensiar Xidmətin Tərbiyə işinin təşkili İdarəsinin böyük inspektoru Ramin Osmanov İslamın sülh dini olduğunu, terrora heç bir aidiyyatı olmadığını bildirib. O, Azərbaycanın tolerant ölkə olduğunu diqqətə çatdırıb.


Son baxılan xəbərlər

Qaradağda maarifləndirmə tədbiri keçirilib

Press-relizlər
06.03.2019 / 17:16
Ətraflı oxu

Nərimanov rayonunda “Multikulturalizmin Azərbaycan modeli” mövzusunda tədbir keçirilib

Press-relizlər
05.05.2016 / 17:16
Ətraflı oxu

Dövlət Komitəsinin sədri “Həyat sözü” beynəlxalq kilsəsinin nümayəndələrini qəbul edib

Xəbərlər
23.02.2019 / 12:43
Ətraflı oxu

Astarada dini radikalizm və onun fəsadları mövzusu müzakirə olunub

Press-relizlər
14.02.2019 / 10:55
Ətraflı oxu

Aİİ və Heydər Əliyev İrsini Araşdırma Mərkəzi növbəti tədbirini keçirib

Press-relizlər
23.11.2018 / 09:24
Ətraflı oxu

Azərbaycanın öz multikultural və dini tolerantlıq dəyərlərini dünya ölkələri ilə bölüşmək niyyəti yüksək qiymətləndirilib

Press-relizlər
22.11.2018 / 09:38
Ətraflı oxu