Zaqatalada maarifləndirmə tədbiri baş tutub

Press-relizlər / 07.02.2018 / 09:36

Fevralın 6-da Dini Qurumlarla İş üzrə Dövlət Komitəsinin (DQİDK) Zaqatala bölgəsi üzrə şöbəsinin təşkilatçılığı ilə Zaqatala şəhər İnteqrasiya təlimli internat tipli gimnaziyada müəllim və yuxarı sinif şagirdlərinin iştirakı ilə “Milli-mənəvi dəyərlərimizdən qaynaqlanan Vətən sevgisi” mövzusunda maarifləndirmə tədbiri keçirilib.
Tədbirdə DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev, Zaqatala rayon Prokurorunun köməkçisi Toğrul Hüseynzadə, Zaqatala Uşaq və Ailələrə Dəstək Mərkəzinin direktoru Cövhərət İbrahimova iştirak ediblər.
Zaqatala şəhər İnteqrasiya təlimli internat tipli gimnaziyanın direktoru Sevda Cabbarova tədbiri giriş sözü ilə açaraq Azərbaycan xalqının öz milli-mənəvi dəyərlərinə sıx bağlı olmasından, rəhbərlik etdiyi təhsil müəssisəsində şagirdlərlə milli-mənəvi dəyərlər mövzusunda maarifləndirmə işinin aparılmasından bəhs edib.  
DQİDK-nın Zaqatala bölgəsi üzrə şöbəsinin müdiri vəzifəsini icra edən İlqar Vəliyev çıxışında milli-mənəvi dəyərlərimizin qorunmasının vacibliyini qeyd edərək  yeniyetmə və gənclərin radikal və qeyri-ənənəvi dini cərəyanların təsiri altına düşməməsi üçün təhsilli və savadlı olmalarının vacib amil olduğunu vurğulayıb. Eyni zamanda cəhalətin və xurafatın yaratdığı dini fanatizmin, dini radikalizmin və ekstremizmin törətdiyi fəsadlardan danışıb, Azərbaycanda tarixən mövcud olan multikulturalizmin və tolerantlığın dünya ölkələri üçün bir nümunə olduğunu bildirib.
Zaqatala rayon Prokurorunun köməkçisi Toğrul Hüseynzadə qeyd edib ki, milli-mənəvi dəyərlərimizdən qaynaqlanan Vətən sevgisi Vətənini, dövlətini, xalqını sevən hər bir Azərbaycan gəncinin qəlbində yaşayır. Bu sevginin daha da artırılması üçün gənclərimizin milli-mənəvi dəyərlər ruhunda tərbiyə olunması vacibdir. O, həmçinin radikal  və qeyri-ənənəvi dini cərəyanların bəşəriyyət üçün təhlükəsindən və ölkəmizdə mövcud olan ictimai-siyasi sabitlikdən  danışıb.
Zaqatala Uşaq və Ailələrə dəstək Mərkəzinin direktoru Cövhərət İbrahimova çıxışında Azərbaycan gəncliyinin sağlam təməl üzərində formalaşdığını, Vətəninə, dövlətinə, xalqına, milli-mənəvi və ailə dəyərlərinə böyük sevgi, sədaqət və hörmətlə yanaşdığını qeyd edib.
 


Son baxılan xəbərlər

Lənkəranda Ulu Öndər Heydər Əliyevin anadan olmasının 96 illiyi münasibətilə tədbir keçirilib

Press-relizlər
07.05.2019 / 17:14
Ətraflı oxu

Şəkidə “Azərbaycan xalqının mədəni dəyərləri dini radikalizmə qarşıdır” mövzusunda konfrans keçirilib

Press-relizlər
31.07.2019 / 09:27
Ətraflı oxu

Prezident İlham Əliyev: “Multikulturalizm Azərbaycanda dövlət siyasətinin mühüm tərkib hissəsidir”

Xəbərlər
02.05.2019 / 15:09
Ətraflı oxu

Milli dəyərlərin böyük təəssübkeşi

Xəbərlər
24.12.2019 / 09:55
Ətraflı oxu

“İslam həmrəyliyinin təbliğində məzhəblərarası dialoq” mövzusunda tədbir keçirilib

Press-relizlər
22.02.2018 / 16:10
Ətraflı oxu

Füzulidə “Şəhadət” sənədli filmi nümayiş etdirilib

Press-relizlər
06.04.2018 / 17:59
Ətraflı oxu