“Həmrəylik – dini radikalizm və ekstremizmə qarşı mübarizədə effektiv vasitə” mövzusunda tədbir keçirilib

Press-relizlər / 30.01.2018 / 17:02

Yanvarın 30-da Dini Qurumlarla İş üzrə Dövlət Komitəsi (DQİDK) və “KCA Deutag” şirkətinin birgə təşkilatçılığı ilə “Həmrəylik – dini radikalizm və ekstremizmə qarşı mübarizədə effektiv vasitə” mövzusunda tədbir keçirilib.
Tədbirdə DQİDK-nın Bakı şəhəri üzrə şöbəsinin əməkdaşları və şirkətin nümayəndələri iştirak ediblər.
Öncə Dövlət Komitəsinin sifarişi ilə çəkilən “Şəhadət” sənədli filmi nümayiş etdirilib.
DQİDK-nın Bakı şəhəri üzrə şöbəsinin əməkdaşı Vasif Musayev ölkəmizdə dövlət-din münasibətlərinin sağlam təməllər üzərində formalaşdığını, müqəddəs dinimiz İslamın xalqımızı həmrəyliyinə, dövlətimizin möhkəmlənməsinə və yüksəlməsinə xidmət edən ali dəyər olduğunu diqqətə çatdırıb.
Daha sonra çıxış edən DQİDK-nın Bakı şəhəri üzrə şöbəsinin əməkdaşı Samir Yoldaşov “Şəhadət” sənədli filmi haqqında danışaraq bildirib ki, filmdə torpaqlarımızın bütövlüyü uğrunda gedən döyüşlərdə şəhid olmuş əsgərlərimizdən, onların xalqımız və dövlətimiz tərəfindən ehtiramla yad edildiyindən, eləcə də cihad adı altında xarici dövlətlərdə fəaliyyət göstərən qanunsuz hərbi birləşmələrin tərkibində vuruşan insanların acı taleyindən bəhs olunur. O qeyd edib ki, gənc nəslin düzgün istiqamətdə, Vətənə layiq övlad kimi tərbiyə olunmasında “Şəhadət” kimi sənədli filmlərin çox böyük əhəmiyyəti var.      
Sonda tədbir iştirakçılarını maraqlandıran suallar cavablandırılıb. 

Son baxılan xəbərlər

Lənkəranda dini radikalizmə qarşı mübarizə məsələsi müzakirə olunub

Press-relizlər
27.09.2017 / 15:09
Ətraflı oxu

Dini qurumlarla işin təşkilatçılarının seminar-müşavirəsi keçirilir

Press-relizlər
12.02.2016 / 12:18
Ətraflı oxu

Mingəçevirdə “Uşaq hüquqları aylığı” çərçivəsində tədbir təşkil olunub

Press-relizlər
23.10.2017 / 12:25
Ətraflı oxu

Saatlıda “Milli-mənəvi və ailə dəyərlərimizin təbliği” mövzusunda tədbir keçirilib

Press-relizlər
22.01.2020 / 14:12
Ətraflı oxu

"Bakı Metropoliteni" QSC-də "Şəhadət" sənədli filmi nümayiş etdirilib

Press-relizlər
28.11.2017 / 16:29
Ətraflı oxu

Zaqatalada “Dini maarifləndirmə işinin təşkili: gerçəkliklər və perspektivlər” mövzusunda seminar-treninq keçirilib

Press-relizlər
25.09.2018 / 15:49
Ətraflı oxu