Bərdədə “Şəhadət” sənədli filmi nümayiş olunub

Press-relizlər / 26.01.2018 / 16:04

Yanvarın 26-da Dini Qurumlarla İş üzrə Dövlət Komitəsinin (DQİDK) Yevlax bölgəsi üzrə şöbəsinin təşkilatçılığı ilə Bərdə şəhər 7 saylı ümumi orta məktəbdə Dövlət Komitəsinin sifarişi ilə çəkilmiş “Şəhadət” sənədli filmi nümayiş etdirilib.
Tədbirdə DQİDK-nın Yevlax bölgəsi üzrə şöbəsinin əməkdaşı Rahib İbrahimov, Qarabağ bölgə qazısı Ramazan Hüseynov, Bərdə Rayon Polis Şöbəsinin (RPŞ) əməkdaşları, məktəbin direktoru Mehparə Mustafayeva, müəllim və şagird heyəti iştirak ediblər.
Tədbiri giriş sözü ilə açan məktəbin direktoru Mehparə Mustafayeva “Şəhadət” sənədli filmi haqqında məlumat verərək bildirib ki, bütün dünyanı narahat edən ən ciddi problemlərdən biri dini radikalizmdir. Natiq çıxışı zamanı qeyd edib ki, dövlət tərəfindən dini radikalizmə qarşı ardıcıl tədbirlər həyata keçirilir. Bu baxımdan “Şəhadət” sənədli filmi böyük əhəmiyyətə malikdir. Onun sözlərinə görə, gənclərdə vətənpərvərlik tərbiyəsinin təbliği və təşviqi məqsədilə hazırlanan “Şəhadət” filmində Vətənin müqəddəsliyi və onun müdafiəsinin vacibliyi, şəhidlik zirvəsinin ucalığı, qəhrəmanlığın gətirdiyi fəxarət hissi təbliğ olunur, digər tərəfdən isə radikalizmin cəmiyyət, dövlət, ailə üçün hansı faciələrə səbəb olduğu real faktlarla tamaşaçılara təqdim edilir.
Daha sonra çıxış edən bölgə qazısı Ramazan Hüseynov İslamda şəhidliyə verilən qiymət barədə danışaraq qeyd edib: “Şəhadət məktəbində şəhid olan insanları Allah yüksək qiymətləndirir. Dinimizdə təcavüzlə şəhid adı almaq mümkün deyil. Bir şəxs ki, digər ölkələri zəbt edərkən həlak olur, onu şəhid adlandırmaq olmaz. İslamın bu cür hərəkətlərə rəğbəti yoxdur”.
Azərbaycan Respublikasından kənarda mövcud olan qanunsuz silahlı birləşmələrdə vuruşan vətəndaşlarımızın faciəvi taleyi, ailələrinin qarşıladıqları çətinliklərdən bəhs edən DQİDK-nın əməkdaşı Rahib İbrahimov vurğulayıb ki, gəncləri xalqımızın vətənpərvərlik ruhuna zərbə vurmaq üçün təbliğ edilən radikal dini cərəyanların təsirindən qorumaq vacibdir.
Filmin nümayişindən sonra Bərdə RPŞ-nin əməkdaşı Vüsalə Əzimova film ilə bağlı təəssüratlarını bölüşərək ölkəmizdə vətəndaşlar arasında ekstremizm və radikalizm hallarının qarşısını almaq, vahimə yaradan terrorçuluq əməllərini öncədən zərərsizləşdirmək və ölkə daxilində sabitliyin pozulmasına yönələn təhlükəli əməlləri əngəlləmək üçün kifayət qədər hüquqi bazanın olduğunu deyib.
Sonda tədbir iştrakçılarının sualları cavablandırılıb.  


Son baxılan xəbərlər

Prezident İlham Əliyev ATƏT-in Minsk qrupunun həmsədrlərini qəbul edib

Xəbərlər
01.11.2018 / 15:15
Ətraflı oxu

İmişlidə “Dini icmalar və gənclər: dini radikalizmlə mübarizə və birgə fəaliyyətin təşkili” mövzusunda seminar-müşavirə ...

Press-relizlər
16.02.2018 / 16:22
Ətraflı oxu

Oğuzda dini radikalizmlə mübarizə mövzusu müzakirə olunub

Press-relizlər
12.11.2019 / 15:52
Ətraflı oxu

Zaqatalada maarifləndirmə tədbiri keçirilib

Press-relizlər
14.01.2020 / 16:43
Ətraflı oxu

Dini Qurumlarla İş üzrə Dövlət Komitəsinin rəhbərliyi qərb bölgəsində vətəndaşların müraciətlərini dinləyiblər

Press-relizlər
21.05.2019 / 13:42
Ətraflı oxu

Prezident İlham Əliyev Rusiyanın Jurnalistlər İttifaqının sədrini qəbul edib

Xəbərlər
21.11.2018 / 09:46
Ətraflı oxu