Prezidentin Sərəncamı uğurla icra olunur

Press-relizlər / 24.01.2018 / 12:42

Yanvarın 24-də Ağstafa rayon Dağ Kəsəmən kənd “Eyyub ağa” məscidi dini icmasının “İslam həmrəyliyi sülhə və əminamanlığa çağırışdır” layihəsi çərçivəsində Rayon Texniki və humanitar fənlər üzrə liseyində “İslam dinində Vətənə və xalqa sevgi” adlı tədbir keçirilib.
Tədbirdə Dini Qurumlarla İş üzrə Dövlət Komitəsinin əməkdaşı Namiq Talıbov, DQİDK-nın Tovuz bölgəsi üzrə şöbəsinin müdiri Rasim Tağıyev, şöbənin əməkdaşı Pərvin Zeynalov, Ağstafa Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Əziz Məsmalıyev, Rayon Texniki və humanitar fənlər üzrə liseyin direktoru Nağı Nağıyev, icma sədri Hüseyn Hüseynov, icma üzvləri, məktəbin müəllim və yuxarı sinif şagirdləri iştirak edirdi.
Tədbiri giriş sözü ilə açan Ağstafa Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Əziz Məsmalıyev mövzunun əhəmiyyətindən danışıb.
Daha sonra çıxış edən Dövlət Komitəsinin əməkdaşı Namiq Talıbov vurğulayıb ki, tədbir Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən həyata keçirilir.
N. Talıbov onu da qeyd edib ki, gənclərimizdə Vətənə məhəbbət hissini aşılamaq, bu sahədə təbliğat işləri aparmaq hər kəsin üzərinə düşən əsas vəzifələrdəndir. Bildirib ki, Vətəni sevmək, onu qorumaq üçün gənclərimiz milli-mənəvi dəyərlər ruhunda tərbiyə olunmalıdırlar.
Daha sonra çıxış edən DQİDK-nın Tovuz bölgəsi üzrə şöbəsinin müdiri Rasim Tağıyev, Rayon Texniki və humanitar fənlər üzrə liseyin direktoru Nağı Nağıyev, icma sədri Hüseyn Hüseynov və başqaları dinə və dindarlara göstərilən diqqət və qayğıya görə dövlət başçımıza minnətdarlıqlarını bildiriblər.
  


Son baxılan xəbərlər

Azərbaycan tolerantlıq nümunəsidir

Multikulturalizm
16.11.2016 / 15:33
Ətraflı oxu

Sabirabad rayonunda maarifləndirmə tədbiri keçirilib

Press-relizlər
27.06.2019 / 16:37
Ətraflı oxu

QMİ-də din xadimləri ilə videokonfrans formatında görüş keçirilib

Xəbərlər
04.07.2020 / 09:59
Ətraflı oxu

Qeyri-islam təmayüllü dini qurumların rəhbərlərinin Azərbaycan Respublikasının Prezidenti Zati-Aliləri cənab İlham Əliyevə ...

Bəyanat
06.06.2015 / 14:09
Ətraflı oxu

Səyyad Salahlı: “Din xadimləri sosial medianın imkanlarından maksimum yararlanmaqla maarifləndirici missiyanı daha operativ, daha ...

Press-relizlər
18.10.2019 / 14:05
Ətraflı oxu

Sumqayıtda yerləşən "N" saylı hərbi hissədə maarifləndirmə tədbiri keçirilib

Press-relizlər
18.12.2018 / 17:39
Ətraflı oxu