Sumqayıtda “Milli-mənəvi dəyərlərimiz bizi birləşdirir” mövzusunda tədbir keçirilib

Press-relizlər / 11.01.2018 / 15:43

Yanvarın 11-də Sumqayıt şəhəri 14 saylı tam orta  məktəbdə “Milli-mənəvi dəyərlərimiz bizi birləşdirir” mövzusunda tədbir keçirilib. Tədbirdə məktəbin direktoru  Elmira Yaqubova, Dini Qurumlarla İş üzrə Dövlət  Komitəsinin (DQİDK) Sumqayıt bölgəsi üzrə şöbəsinin müdir müavini Yalçın Abdullayev, müəllimlər və  şagirdlər iştirak ediblər.
Tədbiri giriş sözü ilə açan məktəbin direktoru Elmira Yaqubova bildirib ki, xalqımızın mənəviyyatını zənginləşdirən, birliyimizi təmin edən dəyərləri qoruyub saxlamaq üzərimizə düşən ən başlıca vəzifələrdəndir. Günümüzdə tarixən qoruyub saxladığımız milli və dini dəyərlərimizə qarşı ayrı-ayrı qüvvələr tərəfindən olan təhdid təşəbbüsləri bu vacib məsələni diqqətdə saxlamaq zərurəti yaradır. Bu səbəbdən şagrdlər arasında mütəmadi olaraq vətənpərvərlik, dövlətə sədaqət mövzularında söhbətlər aparılır.
Daha sonra çıxış edən DQİDK-nın Sumqayıt bölgəsi üzrə şöbəsinin müdir müavini Y.Abdullayev bildirib ki, ölkəmizdə milli-mənəvi dəyərlərin qorunub saxlanılması yüksək səviyyədə həyata keçirilir. Bütün dinlərə hörmətlə yanaşılır və dinlər arasında heç bir qarşıdurma yoxdur. Lakin bəzən mədəniyyətimizə və əxlaqi dəyərlərimizə kənardan müdaxilələr olduğu müşahidə edilir. Din amilindən istifadə edərək xalqımızın tarixən formalaşan vətənpərvərlik, dini və milli dəyərlərinə bağlılıq hissini sarsıtmaq istəyənlərin əməllərinin qarşısı dövlətimiz tərəfindən layiqincə alınır.
Tədbirin sonunda DQİDK-nın sifarişi ilə çəkilən “Şəhadət” sənədli filmi nümayiş olunub. 

Son baxılan xəbərlər

Dövlət Komitəsinin sədri Mübariz Qurbanlı: “Seçkilər sübut etdi ki, Azərbaycan qüdrətli dövlətdir”

Açıqlama
12.04.2018 / 16:36
Ətraflı oxu

Yas mərasimlərində israfçılığın başlıca səbəblərindən biri İslamın vacib şərtlərini kifayət qədər bilməməyimizdir

Xəbərlər
11.07.2016 / 12:46
Ətraflı oxu

Milli Mətbuat Gününə həsr olunmuş “Din və media” mövzusunda konfrans keçirilib

Xəbərlər
23.07.2019 / 16:50
Ətraflı oxu

15 İyun: Azərbaycanın müasir tarixinin dönüş anı

Xəbərlər
16.06.2016 / 09:07
Ətraflı oxu

ADU-da “Milli-mənəvi dəyərlər və müasirlik” mövzusunda seminar keçirilib

Press-relizlər
14.12.2016 / 17:29
Ətraflı oxu

Gündüz İsmayılov: “Dini ayrı-seçkilik salan kitablar ölkəyə gətirilə bilməz”

Müsahibələr
11.11.2016 / 17:10
Ətraflı oxu