Saray məktəblilərinə “Şəhadət” sənədli filmi nümayiş etdirilib

Press-relizlər / 10.01.2018 / 16:31

Yanvarın 10-da Dini Qurumlarla İş üzrə Dövlət Komitəsinin (DQİDK) Sumqayıt bölgəsi üzrə şöbəsinin təşkilatçılığı ilə Saray qəsəbəsi H.Axundov adına 3 nömrəli tam orta məktəbdə “Şəhadət” sənədli filminin nümayişi keçirilib. Tədbirdə DQİDK-nın Sumqayıt bölgəsi üzrə şöbəsinin əməkdaşları Orxan Axundov, Şahlar Məmmədov məktəbin direktoru Təyyubə Hüseynova, məktəbin müəllim və şagird kollektivi iştirak ediblər.
Tədbiri giriş sözü ilə açan məktəbin direktoru T.Hüseynova bildirib ki, təhsil müəssisələrində belə maarifləndirici tədbirlərin keçirilməsi böyük əhəmiyyət kəsb edir. Gənc nəslin vətənpərvər ruhda, dövlətə və dövlətçiliyə yararlı fərdlər kimi tərbiyə edilməsi sahəsində Ulu Öndər Heydər Əliyevin təməlini qoyduğu yolun bu gün də davam etdirildiyini vurğulayan direktor bu işdə əməyi keçən hər kəsə öz dərin minnətdarlığını bildirib. 
Daha sonra çıxış edən DQDİK-nın Sumqayıt bölgəsi üzrə şöbəsinin əməkdaşı Orxan Axundov Azərbaycandakı nümunəvi dövlət-din münasibətləri barədə şagirdləri məlumatlandırıb. O qeyd edib ki, Ümummilli Lider H.Əliyevin ikinci dəfə hakimiyyətə gəlməsindən sonra dövlətin bu sahədə gördüyü işlər təqdirəlayiqdir. Xüsusilə DQİDK-nın yaradılmasıyla dövlət-din münasibətlərində yeni dövrə qədəm qoyulub və hüquqi-texniki baza formalaşıb. Bildirib ki, Dövlət Komitəsinin maarifləndirmə siyasətinin məntiqi davamı kimi ərsəyə gətirilmiş “Şəhadət” sənədli filmi həm dini radikalizmin mənfi nəticələrinin göstərilməsi baxımından, həm də 2016-cı il aprel şəhidlərimizin qəhramanlığını təcəssüm etdirdiyi üçün gənclər üçün tərbiyəvi əhəmiyyətə malikdir.
Sonda Dövlət Komitəsinin sifarişi ilə çəkilmiş “Şəhadət” sənədli filmi nümayiş etdirilib və film ətrafında müzakirələr aparılıb. 
 


Son baxılan xəbərlər

Cəzaçəkmə müəssisələrində maarifləndirmə tədbirləri davam etdirilir

Press-relizlər
29.08.2018 / 11:02
Ətraflı oxu

Lənkəranda Aprel döyüşlərinə həsr olunmuş tədbir baş tutub

Press-relizlər
02.04.2019 / 17:43
Ətraflı oxu

Dövlət Komitəsinin sədri ABŞ-ın müvəqqəti işlər vəkili ilə görüşüb

Press-relizlər
14.06.2018 / 17:27
Ətraflı oxu

Astarada “Dövlət-din münasibətlərinin Azərbaycan modeli” mövzusu müzakirə olunub

Press-relizlər
16.05.2018 / 17:01
Ətraflı oxu

Birinci vitse-prezident Mehriban Əliyeva Bakıda Pir Həsən ziyarətgahını ziyarət edib

Press-relizlər
20.05.2019 / 12:30
Ətraflı oxu

Dövlət Komitəsinin rəhbərliyi qərb bölgəsində vətəndaşları qəbul edəcək

Press-relizlər
16.05.2019 / 11:17
Ətraflı oxu