Xətaidə “İslam həmrəyliyi və milli-mənəvi dəyərlərə hörmət” mövzusunda tədbir keçirilib

Press-relizlər / 27.11.2017 / 16:52

Noyabrın 27-də Xətai Rayon İcra Hakimiyyəti (RİH) və Dini Qurumlarla İş üzrə Dövlət Komitəsinin (DQİDK) Bakı şəhəri üzrə şöbəsinin birgə təşkilatçılığı ilə Xətai rayonunda yerləşən 95 saylı orta məktəbdə “İslam Həmrəyliyi İli” çərçivəsində “İslam həmrəyliyi və milli-mənəvi dəyərlərə hörmət” mövzusunda tədbir keçirilib.
Tədbirdə Xətai RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Məhəmməd İbrahimov, DQİDK-nın Bakı şəhəri üzrə şöbəsinin əməkdaşları Fidan Aslanova və Vasif Musayev, məktəbin direktoru Fuad Babayev, müəllim və şagird kollektivi iştirak ediblər.
Tədbiri giriş sözü ilə açan məktəbin direktoru Fuad Babayev iştirakçıları tədbir barədə məlumatlandırıb, məktəblərdə təşkil edilən görüşlərin əhəmiyyətini qeyd edib.
Xətai RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Məhəmməd İbrahimov 2017-ci ilin ölkə rəhbərinin müvafiq Sərəncamı ilə ölkəmizdə “İslam Həmrəyliyi İli” elan olunduğunu, İslam dünyasına qarşı mənəvi-fiziki hücumların artdığı, İslam dininin terrorla eyniləşdirməyə cəhdlərin edildiyi bir vaxtda bu qərarın mühüm bir qərar olduğunu bildirib. Müasir dövrdə demokratik dəyərlərdən biri kimi qəbul edilən etnik-dini tolerantlığın ölkəmiz və cəmiyyətimiz üçün nümunəvi ənənəyə çevrildiyini qeyd edib.
DQİDK-nın Bakı şəhəri üzrə şöbəsinin əməkdaşı Fidan Aslanova bildirib ki, əsrlərboyu cəmiyyətimizdə bərqərar olmuş ədalət, bərabərlik, insanpərvərlik, sülh ideyaları islami dəyərlərlə bəşəri ideyaların sintezi əsasında formalaşıb. Dini radikalizmin, ekstremizmin mahiyyətində savadsızlığın dayandığını deyən F.Aslanova təhsil və maarifləndirmənin radikalizm və ekstremizm kimi neqativ fenomenlərə qarşı mübarizədə mühüm rol oynadığını qeyd edib.
Sonda iştirakçılara Dövlət Komitəsinin sifarişi əsasında çəkilmiş “Şəhadət” sənədli filmi nümayiş etdirilib.
 


Son baxılan xəbərlər

“N” saylı hərbi hissədə seminar keçirilib

Press-relizlər
23.02.2018 / 16:07
Ətraflı oxu

Azərbaycan İslam həmrəyliyinin ideya və real fəaliyyət mərkəzinə çevrilir

Press-relizlər
29.09.2017 / 16:52
Ətraflı oxu

Aİİ-də “Vəhdət qanımızdadır” sənədli filminin nümayişi olub

Press-relizlər
04.12.2018 / 14:56
Ətraflı oxu

Daşkənddə “İslam həmrəyliyi Özbəkistan-Azərbaycan dostluğu timsalında” mövzusunda beynəlxalq konfrans keçirilib

Press-relizlər
18.10.2017 / 17:59
Ətraflı oxu

Xalqımız zəngin milli-mənəvi dəyərlərə sahibdir

Press-relizlər
07.09.2018 / 12:00
Ətraflı oxu

Azərbaycan Respublikası Azərbaycan Xalq Cümhuriyyətinin siyasi və mənəvi varisidir

Press-relizlər
17.09.2018 / 16:33
Ətraflı oxu