İslam həmrəyliyi dövrün tələbidir

Press-relizlər / 04.10.2017 / 10:06

Oktyabrın 3-də Ağcabədi rayonu Muğanlı kəndi “Seyid İsmayıl Ağa” məscidi dini icması tərəfindən Köyük kənd tam orta məktəbində “İslam həmrəyliyi dövrün tələbidir” adlı layihə çərçivəsində dini maarifləndirici tədbir keçirilib.
Tədbirdə Dini Qurumlarla İş üzrə Dövlət Komitəsinin (DQİDK) Ağcabədi bölgəsi üzrə şöbəsinin müdiri Əlizadə Nəcəfov, DQİDK-nın Dinşünaslıq ekspertizası şöbəsinin əməkdaşı Namiq Cırıyev, Ağcabədi Rayon İcra Hakimiyyəti (RİH) başçısıs Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Təyyar Hacıyev, “Seyid İsmayıl Ağa” məscidi dini icmasının sədri Süleyman Ağayev, eləcə də məktəb müəllimləri, yuxarı sinif şagirdləri və icma üzvləri iştirak ediblər.
“Seyid İsmayıl Ağa” məscidi dini icmasının sədri Süleyman Ağayev çıxışında bildirib ki, 2017-ci ilin ölkəmizdə “İslam Həmrəyliyi İli” elan olunması Prezident cənab İlham Əliyevin müdrik, düşünülmüş və uzaqgörən addımıdır.
DQİDK-nın əməkdaşı Namiq Cırıyev bildirib ki, 2017-ci ilin Azərbaycanda “İslam Həmrəyliyi İli” elan edilməsi müsəlman dünyasında baş verən qarşıdurmaların qarşısının alınması və İslam ölkələri arasında həmrəyliyin yaradılması işinə öz töhfəsini verəcək. Bu, İslam dünyasındakı mövcud problemlərin, çətinliklərin, ayrı-ayrı müsəlman ölkələri arasındakı müəyyən qarşıdurma və ziddiyyətlərin aradan qaldırılması istiqamətində addımların atılmasına və burada müəyyən nailiyyətlərin əldə edilməsinə yönələn bir təşəbbüsdür.
Ağcabədi RİH başçısı Aparatının nümayəndəsi Təyyar Hacıyev  İslam həmrəyliyinin dövrün tələbi olduğunu və məzhəblər arasında dialoqun önəmini vurğulayıb. Ölkəmizin erməni terroruna məruz qaldığını bildirən T.Hacıyev bu məsələyə dünya dövlətlərinin biganə yanaşdığını qeyd edib.
DQİDK-nın Ağcabədi bölgəsi üzrə şöbəsinin müdiri Əlizadə Nəcəfov Azərbaycanda bütün dinlərə eyni münasibət göstərildiyini, İslamın sülh və əmin-amanlıq dini və müharibəyə qarşı olduğunu deyib. 
Sonda tədbir iştirakçılarının sualları cavablandırılıb.
Qeyd edək ki, maarifləndirmə tədbiri Azərbaycan Respublikasının Prezidenti cənab İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün 2014-cü il noyabrın 27-də imzaladığı Sərəncama əsasən keçirilib.


Son baxılan xəbərlər

“İşğal altındakı tarixi-dini abidələrimiz” kitabı rus dilində nəşr olunub

Kitablar
23.11.2017 / 11:38
Ətraflı oxu

Prezident İlham Əliyev Avropa İttifaqının xüsusi elçisinin başçılıq etdiyi nümayəndə heyətini qəbul edib

Press-relizlər
19.02.2018 / 11:37
Ətraflı oxu

İslam dəyərlərinə dərin ehtiram

Press-relizlər
27.08.2019 / 09:53
Ətraflı oxu

Binəqədi rayonunda “Milli-mənəvi dəyərlərimizin təbliğində İslamın rolu” mövzusunda maarifləndirici tədbir keçirilib

Press-relizlər
03.06.2019 / 14:24
Ətraflı oxu

Bakıda dini radikalizm və ekstremizmin təbliğində şübhəli bilinən 180 dini ədəbiyyat aşkarlanıb

Press-relizlər
05.07.2019 / 17:06
Ətraflı oxu

“Dini ekstremizmin təzahür formaları və ona qarşı mübarizənin hüquqi əsasları” mövzusunda tədbir keçirilib

Press-relizlər
02.08.2018 / 14:35
Ətraflı oxu