Bölgələrdə maarifləndirici tədbirlər keçirilir

Press-relizlər / 02.06.2017 / 17:50

İyunun 2-də Kürdəmir Rayon İcra Hakimiyyəti, Kürdəmir Rayon Polis Şöbəsi və Dini Qurumlarla İş üzrə Dövlət Komitəsinin Ucar bölgəsi üzrə şöbəsinin birgə təşkilatçılığı ilə Tofiq İsmayılov adına şəhər 1 saylı tam orta məktəbində “Zərərli vərdişlərin və zərərli dini cərəyanların fərd və cəmiyyət həyatına mənfi təsirləri” mövzusunda maarifləndirici tədbir keçirilib.
Tədbirdə Kürdəmir Rayon Polis Şöbəsi rəisinin şəxsi heyət üzrə köməkçisi, polis kapitanı Vüsal Hüseynov, təşkilati inspeksiya bölməsinin baş inspektoru polis polkovnik leytenantı Azər Abdullayev və şöbənin digər əməkdaşları, Kürdəmir RİH Başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Elxan Qafarov, DQİDK-nın Ucar bölgəsi üzrə şöbəsinin müdiri Əzim Rəfiyev, eləcə də orta məktəbin müəllimləri, şagirdlər və ictimaiyyət nümayəndələri iştirak ediblər.
Tədbiri giriş sözü ilə açan Kürdəmir RİH başçısı Aparatının İctimai-siyasi və humanitar məsələlər şöbəsinin müdir müavini - dini qurumlarla işin təşkilatçısı Elxan Qafarov dini radikalizmin meydana gətirdiyi fəsadlar haqqında iştirakçılara geniş məlumat verib. Bildirilib ki, dini radikal fikirli insanlar cəmiyyətdə mövcud olan birgəyaşayış ənənəsinə zərbə vurmaqla yanaşı, dini məlumatların öz məqsədləri üçün təhrifinə də yol verirlər. O, narkomaniyanın insana, ailəyə və cəmiyyətə vurduğu ziyanlara da toxunaraq bu cür əməllərin insan üçün tibbi və fiziki problemlərin yaranmasına gətirib çıxardığını geniş izah edib.
Daha sonra çıxış edən DQİDK-nın Ucar bölgəsi üzrə şöbəsinin müdiri Əzim Rəfiyev, Kürdəmir Rayon Polis Şöbəsinin əməkdaşları Nizami Abbasov və Asif Əhmədov, dini radikalizm və ekstremizm, narkomaniya və onun fəsadları, xüsusilə bu sahədə görülmüş işlər barədə ətraflı məlumat veriblər. Qeyd olunub ki, zərərli vərdişlər  müasir dövrdə aktuallıq kəsb edir və bu gün həmin problemlərin həlli yollarından biri də yeniyetmə və gənclərlə vaxtaşırı maarifləndirmə işlərinin aparılmasıdır. 
Sonda tədbir iştirakçılarını maraqlandıran suallar cavablandırılıb.
  

Son baxılan xəbərlər

Xocasən qəsəbəsində “Dövlət-din münasibətləri: tarix, hüquq və ənənə” mövzusunda tədbir keçirilib

Press-relizlər
19.02.2020 / 16:55
Ətraflı oxu

Saatlı rayonunda maarifləndirmə tədbiri keçirilib

Press-relizlər
05.07.2019 / 16:56
Ətraflı oxu

Səyavuş Heydərov: Dini təhlükəsizlik milli təhlükəsizliyimizin başlıca tərkib hissəsidir

Açıqlama
09.04.2018 / 11:33
Ətraflı oxu

Azərbaycan İlahiyyat İnstitutunda Xalq yazıçısı Çingiz Abdullayevlə görüş keçirilib

Press-relizlər
09.10.2018 / 17:24
Ətraflı oxu

Səyyad Salahlı: “Heydər Əliyevin dövlət-din münasibətlərinin inkişafında müstəsna xidmətləri olub”

Press-relizlər
19.12.2019 / 12:38
Ətraflı oxu

Zərdabda “XX əsrin 20 Yanvar faciəsi” mövzusunda anım tədbiri keçirilib

Press-relizlər
17.01.2019 / 10:48
Ətraflı oxu