Elşad İskəndərov: “Milli kimliyimizi formalaşdıran, onun ayrılmaz hissəsi olan milli-mənəvi dəyərlərimizin tədqiqatı böyük əhəmiyyət kəsb edir” (FOTO)

Press-relizlər / 18.10.2013 / 17:34

Dövlət Komitəsində  “Milli Mənəvi dəyərlər və Milli Kimlik layihəsi” çərçivəsində alimlərlə görüş keçirilmişdir
 
Bu gün AR Dini Qurumlarla İş üzrə Dövlət Komitəsinin sədri Elşad İskəndərov Dövlət Komitəsinin dəstəyi, Dialoq və Əməkdaşlıq Uğrunda İslam Konfransı Gənclər Forumu Avrasiya Regional Mərkəzinin iştirakı və “Müasir inkişaf” ictimai birliyinin təkilatçılığı ilə həyata keçirilən “Milli Mənəvi dəyərlər və Milli Kimlik layihəsi” çərçivəsində nəşr olunması planlaşdırılan eyniadlı kitabında məqalə ilə çıxış edəcək alim  və tədqiqatçılarla görüş keçirmişdir.
 
Dövlət Komitəsində baş tutan görüşdə çıxış edən Elşad İskəndərov bu sahədə  ilk dəfə olaraq, aparıcı mütəxəssislərini cəlb edilərək belə bir kitabın ərsəyə gətirilməsinin olduqca vacib bir hal olduğunu vurğulamışdır. Komitə sədri onu da bildirmişdir ki, kitabdakı məqalələr Azərbaycan milli kimliyində milli-mənəvi dəyərlərin rolu barədə əsas konturlarını müəyyən etməyə yönəlib. “Bu çox əhəmiyyətli bir məsələdir. Çünki qeyd olunan sahədə təəssüf ki, mütəxəssislərin öz aralarında belə tam bir konsensusun olmadığını görürük. Bəzən bizə yaxın və qonşu olsalar da başqa xalqların milli kimliklərinin ünsürləri bizim kimliyimizin bir hissəsi kimi təqdim olunur. Bəzən də, əksinə kimliyimizin ayrılmaz hissələrinin mənimsənilmədiyinin və yad ünsürlər kimi göstərildiyinin şahidi oluruq. Bu baxımdan milli kimliyimizi formalaşdıran və onun ayrılmaz hissələri olan milli-mənəvi dəyərlərin tədqiq edilib, geniş icitimayyətə çatdırılması böyük əhəmiyyət kəsb edir.”
Görüşdə iştirak edən AMEA və aparıcı təhsil mərkəzlərinin nümayəndələri  və sözügedən sahənin mütəxəssisləri yazacaqları məqalələrin əsas tezisləri haqqında məlumat verdilər. Onlar  Dövlət Komitəsinin simasında dövlətin bu sahəyə diqqət yetirməsinin həm elmə, həm də millətimizin  tarixinə və mədəniyyətinə verilən bir dəyər kimi qiymətləndirdilər. 
 
Qeyd edək ki, kitab Azərbaycan milli kimliyinin müxtəlif ünsürləri haqqında 20-dən çox məqaləni ehtiva edəcəkdir.
 
DQİDK-nın mətbuat xidməti


Son baxılan xəbərlər

Liderlik nümunəsi

Xəbərlər
11.04.2019 / 17:34
Ətraflı oxu

Dini Qurumlarla İş üzrə Dövlət Komitəsinin sədri Mübariz Qurbanlının İsrailin nüfuzlu "Yerusəlim Post" qəzetinə ...

Müsahibələr
03.08.2018 / 14:26
Ətraflı oxu

Göygöldə “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq öz işinə başlayıb

Press-relizlər
26.04.2018 / 17:56
Ətraflı oxu

Dövlət Komitəsində görüş keçirilib

Xəbərlər
08.07.2019 / 13:07
Ətraflı oxu

Bakıda “Söz azadlığı və dini icmalar” mövzusunda konfrans keçirilib

Arxiv
27.12.2017 / 18:15
Ətraflı oxu

“Gəncləri dini radikalizm və digər zərərli vərdişlərdən qoruyaq” mövzusunda tədbir keçirilib

Press-relizlər
12.02.2020 / 15:29
Ətraflı oxu