Cəzaçəkmə müəssisələrində “Dinimiz mənəviyyatımızdır” mövzusunda növbəti tədbirlər keçirilib

Press-relizlər / 14.01.2016 / 16:18

Yanvarın 14-də Ədliyyə Nazirliyi Penitensiar Xidmətinin 6 və 15 saylı  cəzaçəkmə müəssisələrində “Dinimiz mənəviyyatımızdır” mövzusunda növbəti tədbirlər keçirilib. Hər iki tədbirdə Penitensiar Xidmətin Tərbiyə işlərinin təşkili idarəsinin rəis müavini İntiqam Əliyev, Dini Qurumlarla İş üzrə Dövlət Komitəsinin (DQİDK) sədr müavini Səyavuş Heydərov, Komitənin Bakı şəhəri üzrə şöbəsinin müdir müavini Ceyhun Əliyev və Qafqaz Müsəlmanları İdarəsinin (QMİ) nümayəndəsi Ceyhun Rüstəmov iştirak ediblər.
Tədbirlərdə çıxış edən Penitensiar Xidmətin İdarə rəisinin müavini İ. Əliyev Azərbaycanın multikulturalizm və tolerantlıq nümunəsi olduğunu bildirib. O qeyd edib ki, respublikamız tolerant ölkə kimi bütün ölkələrə nümunə göstərilə bilər. Dini Qurumlarla İş üzrə Dövlət Komitəsinin sədr müavini Səyavuş Heydərov ölkəmizdə dinə münasibətin yüksək səviyyədə olmasını diqqətə çatdırıb.
Komitə sədrinin müavini Ulu Öndərimiz Heydər Əliyevin “Dinimiz mənəviyyatımızdır” kəlamını yada salaraq bildirib ki, ibadət edən heç kəs milli kimliyini unutmamalıdır. Azərbaycanda bütün dinlərin nümayəndələrinə eyni münasibət göstərilir, məscidlər, sinoqoqlar, kilsələr tikilir, təmir olunur. S. Heydərov təəssüflə qeyd edib ki, bəzi qüvvələr İslamı terrorçu din kimi təbliğ edərək öz məqsədlərinə nail olmaq istəyirlər.
QMİ-nin nümayəndəsi C. Rüstəmov Qurandan və hədislərdən sitatlar gətirərək, vurğulayıb ki, İslam dini sülh və əmin-amanlıq dinidir. C. Rüstəmov dinə və dindarlara göstərilən diqqət və qayğıya görə dövlətimizə təşəkkür edib.
Dövlət Komitəsinin Bakı şəhəri üzrə şöbəsinin müdir müavini Ceyhun Əliyev isə İslam ölkələrində baş verən hadisələrdən danışıb. Hər iki tədbirdə o da vurğulanıb ki, belə görüşlərin keçirilməsinin böyük əhəmiyyəti var.



Son baxılan xəbərlər

Bölgələrdə dini maarifləndirmə və milli-mənəvi dəyərlərin təbliği ilə bağlı tədbirlər keçirilib

Press-relizlər
31.07.2015 / 14:53
Ətraflı oxu

“Radikal dini təriqətlərə qarşı mübarizə” mövzusunda tədbir keçirilib

Press-relizlər
01.03.2017 / 13:06
Ətraflı oxu

Mingəçevirdə Xocalı faciəsinə həsr olunmuş tədbir keçirilib

Press-relizlər
19.02.2019 / 14:31
Ətraflı oxu

Prezident İlham Əliyev Novruz bayramı münasibətilə Azərbaycan xalqını təbrik edib

Xəbərlər
19.03.2020 / 15:50
Ətraflı oxu

9 noyabr Azərbaycanda Dövlət Bayrağı Günüdür

Xəbərlər
08.11.2018 / 17:54
Ətraflı oxu

Səyavuş Heydərov: "Dini radikal təmayüllərin cəmiyyətdə yer tapması maddi amillərlə də bilavasitə bağlıdır"

Müsahibələr
03.02.2017 / 10:15
Ətraflı oxu