“Cəmiyyət və dini radikalizm” mövzusunda tədbir keçirilib

Press-relizlər / 10.12.2015 / 17:27

Prezident İlham Əliyevin ölkədə dini maarifləndirmə və milli-mənəvi dəyərlərin təbliği işini daha da gücləndirmək məqsədilə dini icmalara maliyyə yardımı göstərmək üçün imzaladığı Sərəncama əsasən bölgələrdə tədbirlər keçirilir. Dini Qurumlarla İş üzrə Dövlət Komitəsinin dəstəyi ilə Bərdə rayonu “Uğurbəyli” kənd məscidi dini icmasının həyata keçirdiyi “Dindarların radikal təsirlərindən qorunması” layihəsi çərçivəsində Dekabrın 10–da Uğurbəyli kəndində “Cəmiyyət və dini radikalizm” mövzusunda növbəti maarifləndirici tədbir keçirilib. Azərbaycan Respublikası Dövlət Neft Şirkətinin Günəşli yatağındakı 10-cu dərin dəniz özülündə baş vermiş yanğın nəticəsində həyatlarını itirmiş və itkin düşmüş vətəndaşlarımızın xatirələrinin 1 dəqiqəlik sükutla yad edilməsi ilə başlayan tədbirdə Dini Qurumlarla İş üzrə Dövlət Komitəsinin Yevlax bölgəsi üzrə şöbəsinin əməkdaşları, Bərdə rayon İcra Hakimiyyətinin əməkdaşı Eldəniz Səfərov, Uğurbəyli kənd məscidi dini icmasının sədri Səbuhi Hacıyev, Bərdə rayonu Gənclər və İdman İdarəsinin əməkdaşı Anar Şahbazov, QMİ-nin Bərdə rayonu üzrə səlahiyyətli nümayəndəsi, Bərdə şəhər “Cümə” məscidinin axundu Ramazan Hüseynov, Lənbəran kənd “Hacı Həmid” məscidi dini icmasının sədri Əkrəm Əfəndiyev, dindarlar, dini icmanın üzvləri, ağsaqqallar, ziyalılar, müəllimələr və gənclər iştirak ediblər.
Tədbiri giriş sözü ilə açan Bərdə rayonu Uğurbəyli kənd  məscidi dini icmasının sədri Səbuhi Hacıyev  isə tarixi hadisələrdən dərs almağın vacibliyini qeyd edib. Bilikli və səmimi dindar olmağın əhəmiyyətindən söz açan natiq bilikdən məhrum səmimiyyətin kortəbii itaətə bunun isə öz növbəsində fərd və cəmiyyət üçün böyük fəsada səbəb olduğunu vurğulayıb. 
Dövlət başçısının dini icmalara dini maarifləndirmə və milli-mənəvi dəyərlərimizin qorunması ilə bağlı maliyyə yardımının ayrılması barədə Sərəncamını dövlətin dinə olan növbəti qayğısı kimi qiymətləndirib.
Mövzu ilə bağlı çıxış edən DQİDK-nın Yevlax bölgəsi üzrə şöbəsinin əməkdaşı Fuad Şirinov dini radikalizmin mahiyyəti və yaranma səbəblərindən danışıb. Dini əqidənin səhv başa düşülməsinin həm dinin özünə zərər vurduğunu, həm də cəmiyyət üçün çox təhlükəli nəticələrə gətirib çıxardığını diqqətə çatdırıb.
Tədbirdə, eyni zamanda Bərdə rayon İcra Hakimiyyətinin əməkdaşı Eldəniz Səfərov, QMİ-nin Bərdə rayonu üzrə səlahiyyətli nümayəndəsi, Bərdə şəhər “Cümə” məscidinin axundu Ramazan Hüseynov, Lənbəran kənd “Hacı Həmid” məscidi dini icmasının sədri Əkrəm Əfəndiyev və çıxış edən digər natiqlər mövzu ilə bağlı fikirlərini iştirakçılarla bölüşüblər. Çıxış edənlər, radikalizmin cəmiyyət üçün fəsadlarından, gəncləri qeyri-ənənəvi dini cərəyanların təsirinə düşməkdən çəkindirmə yollarından bəhs ediblər.


Son baxılan xəbərlər

"İlham Əliyev: Azərbaycan tolerantlıq örnəyidir" kitabı

Kitablar
21.12.2015 / 17:14
Ətraflı oxu

Müstəqil Azərbaycan - 25: multikulturalizmin və tolerantlığın bariz nümunəsi

Press-relizlər
28.04.2016 / 09:48
Ətraflı oxu

Şamaxıda “İnsan Hüquqları Aylığı” çərçivəsində tədbir keçirilib

Press-relizlər
27.05.2019 / 11:58
Ətraflı oxu

Siyəzən rayonunun Gilgilçay qəsəbəsində “Şəhadət” filmi nümayiş etdirilib

Arxiv
07.06.2018 / 15:41
Ətraflı oxu

Mehriban xanım Əliyevanın Azərbaycan Respublikasının Birinci vitse-prezidenti təyin edilməsi xalqımız tərəfindən yüksək qiymətləndirilir

Açıqlama
23.02.2017 / 15:04
Ətraflı oxu

Şamaxıda “Dini radikalizmlə mübarizə və maarifləndirmə” mövzusunda tədbir keçirilib

Press-relizlər
24.09.2018 / 16:51
Ətraflı oxu