Mübariz Qurbanlı: "Onlar kənardan aldıqları əmrləri icra edirlər"

Açıqlama / 26.11.2015 / 18:51

"DİN və Baş Prokurorluqla mövqeyimiz eynidir".
"Daxili İşlər Nazirliyinin Nardaranda keçirdiyi əməliyyat qanunidir və ölkə vətəndaşlarını qorumaq məqsədi daşıyır. Çox təəssüf ki, din pərdəsinə bürünmüş və qondarma "Müsəlman Birliyi Hərəkatı" adı altında, əslində cinayətkar bir təşkilat yaratmış adamlar hüquq-mühafizə orqanı əməkaşlarının keçirdiyi əməliyyata qarşı çıxıblar".
Bu fikirləri ANS PRESS-ə Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı deyib. Onun sözlərinə görə, təmsil etdiyi qurumun mövqeyi Daxili İşlər Nazirliyi və Baş Prokurorluğun mövqeyi ilə eynidir:
"Nardaranda polisin keçirdiyi əməliyyat istər Nardaran əhalisi, istərsə də ictimaiyyət tərəfindən dəstəklənir. Çünki "Müsəlman Birliyi Hərəkatı" adlanan qurum qeyri-qanuni fəaliyyət göstərir. Din adı altında gizlənən Tale Bağırzadə və Əbülfəz deyilən adamlar əslində kənardan aldıqları sifarişləri yerinə yetirirlər və faktiki olaraq kriminallaşmış şəxslərdir. Təəssüf ki, hadisələr zamanı iki nəfər polis əməkdaşı dünyasını dəyişib. Bu şəxslər və onları himayə edənlər olanlara görə öz cəzalarını alacaqlar. Bu kimi qanunsuzluqların qarşısını almaq lazımdır ki, Azərbaycanda din adı altında milli müstəqilliyimizə və dövlətçiliyimizə xələl gətirə bilməsinlər", - deyə M. Qurbanlı bildirdi. 

Son baxılan xəbərlər

Masallıda “Mənəvi birlik rəmzi - Qurban bayramı” mövzusunda tədbir keçirilib

Press-relizlər
20.08.2018 / 15:28
Ətraflı oxu

Şamaxıda “Karantin dövründə dini icmaların fəaliyyəti” mövzusunda onlayn tədbir keçirilib

Xəbərlər
13.08.2020 / 16:00
Ətraflı oxu

Lerikdə “Vətənpərvərliyin təbliği dini radikalizmə qarşı mübarizə vasitəsi kimi” mövzusu müzakirə olunub

Press-relizlər
02.11.2018 / 17:39
Ətraflı oxu

İmişlidə maarifləndirmə tədbiri baş tutub

Press-relizlər
03.10.2019 / 17:44
Ətraflı oxu

Qaradağda “İslam dəyərləri” mövzusunda tədbir təşkil olunub

Press-relizlər
12.09.2018 / 11:08
Ətraflı oxu

Dövlət Komitəsinin sədri “Həyat sözü” beynəlxalq kilsəsinin nümayəndələrini qəbul edib

Press-relizlər
01.09.2016 / 17:02
Ətraflı oxu